ദുബയ്: താമസ കെട്ടിടത്തിന്റെ വാടകയും വിദ്യാര്‍ത്ഥികളുടെ സ്‌ക്കൂള്‍ ഫീസും സമ്മാനമായി നല്‍കി അല്‍ മദീന ഗ്രൂപ്പ് വിന്റര്‍ പ്രമോഷന്‍ ആരംഭിച്ചു. 50 ദിര്‍ഹത്തിന് സാധനങ്ങള്‍ വാങ്ങുമ്പോള്‍ നല്‍കുന്ന കൂപ്പണില്‍ നിന്നും നറുക്കിട്ടെടുത്താണ് സമ്മാനങ്ങള്‍ നല്‍കുക. ഈ വര്‍ഷം അവസാനം വരെ നടക്കുന്ന പ്രൊമേഷന്‍ ദുബയ്, ഷാര്‍ജ, അജ്മാന്‍ എന്നീ വ്യാപാര സ്ഥാപനങ്ങളിലാണ് നടക്കുന്നതെന്ന് അല്‍ മദീന ഗ്രൂപ്പ് ഓപറേഷന്‍ മാനേജര്‍ മുഹമ്മദ് അലി പറഞ്ഞു. കൂടാതെ 6 ബിഎംഡബ്ല്യു കാറുകളും ഒരു കിലോ സ്വര്‍ണ്ണവും സമ്മാനമായി നല്‍കും. യുഎഇയില്‍ മാത്രമായി 8 കമ്മ്യൂണിറ്റി ഷോപ്പിംഗ് മാളുകളുടേയും പത്തോളം ഹൈപ്പര്‍ മാര്‍ക്കറ്റുകളുടെ നിര്‍മ്മാണം പുരോഗമിക്കുകയാണ്. വാര്‍ത്താ സമ്മേളനത്തില്‍ സിഎച്ച് അയ്യൂബ്, ടി അരുണ്‍, മഹ്ബൂബ്, ഷൈജന്‍ ജോര്‍ജ്ജ് പ്രദീപ് പിള്ള എന്നിവരും സംബന്ധിച്ചു.