കോട്ടയം സംക്രാന്തി സ്വദേശിനി കുവൈത്തില്‍ മരിച്ചു
കോട്ടയം പാറമ്പുഴ സംക്രാന്തി മാമ്മൂട് സ്വദേശിനി സുമി തെക്കനായില്‍ (37) ആണ് മരിച്ചത്.
കുവൈത്ത് സിറ്റി: കോട്ടയം സംക്രാന്തി സ്വദേശിനി കുവൈത്തില്‍ മരിച്ചു. കോട്ടയം പാറമ്പുഴ സംക്രാന്തി മാമ്മൂട് സ്വദേശിനി സുമി തെക്കനായില്‍ (37) ആണ് മരിച്ചത്. മുബാറക് ആശുപത്രിയിലേക്ക്‌കൊണ്ടുപോവും വഴിയാണ് മരണം. ഹൃദയാഘാതമാണ് മരണകാരണം എന്നാണ് മെഡിക്കല്‍ റിപ്പോര്‍ട്ട്. ആറുമാസം മുമ്പാണ് ഹോം നഴ്‌സായി സുമി കുവൈത്തിലെത്തിയത്. ഭര്‍ത്താവുമായി വേര്‍പിരിഞ്ഞ സുമിക്ക് രണ്ട് മക്കളാണുള്ളത്. വീട്ടുജോലിക്കായി കുവൈത്തിലെത്തിയ ഇവര്‍ ജോലി നഷ്ടപ്പെട്ടതിനെ തുടര്‍ന്ന് ആഴ്ചകളായി എംബസിയുടെ ഷെല്‍ട്ടറില്‍ കഴിയുകയായിരുന്നു എന്നാണ് വിവരം.