ഒമാനില്‍ ഇന്ന് പുതുതായി 404 പേര്‍ക്ക് കൂടി കൊവിഡ്
ഇതോടെ കൊവിഡ് സ്ഥിരീകരിച്ചവരുടെ എണ്ണം 5000 കടന്നു
മസ്‌കത്ത്: ഒമാനില്‍ ഇന്ന് പുതുതായി 404 പേര്‍ക്ക് കൂടി കൊവിഡ് സ്ഥിരീകരിച്ചു. ഇതോടെ കൊവിഡ് സ്ഥിരീകരിച്ചവരുടെ എണ്ണം 5000 കടന്നു. പുതിയ രോഗികളില്‍ 337 പേര്‍ വിദേശികളും 67 ഒമാനികളുമാണ് . 86 പേര്‍ക്ക് കൂടി രോഗമുക്തി ലഭിച്ചു. ഇതോടെ അസുഖം സുഖപ്പെട്ടവരുടെ എണ്ണം 1436 ആയി. രണ്ട് മലയാളികളടക്കം ചികില്‍സയിലിരുന്ന 20 പേരാണ് ഇതുവരെ മരണപ്പെട്ടത്. നിലവില്‍ 3573 പേരാണ് അസുഖബാധിതരായി ചികില്‍സയിലുള്ളത്. പുതിയ രോഗികളില്‍ 363 പേരും മസ്‌കത്ത് ഗവര്‍ണറേറ്റില്‍ നിന്നുള്ളവരാണ്. ഇവിടെ മൊത്തം കൊവിഡ് ബാധിതര്‍ 3830 ആയി.