കൊവിഡ്: കുവൈത്തില്‍ ചികില്‍സയിലായിരുന്ന മലയാളി മരിച്ചു
കാസര്‍ഗോഡ് തൃക്കരിപ്പൂര്‍ ഉദിനൂര്‍ കൈക്കൂട്ടുകടവ് പൂവളപ്പില്‍ നങ്ങാരത്ത് ഉമര്‍ ഫാറൂഖ് (47) ആണ് മരിച്ചത്.
കുവൈത്ത് സിറ്റി: കുവൈത്തില്‍ കൊവിഡ് ബാധയെത്തുടര്‍ന്ന് ചികില്‍സയിലായിരുന്ന മലയാളി മരിച്ചു. കാസര്‍ഗോഡ് തൃക്കരിപ്പൂര്‍ ഉദിനൂര്‍ കൈക്കൂട്ടുകടവ് പൂവളപ്പില്‍ നങ്ങാരത്ത് ഉമര്‍ ഫാറൂഖ് (47) ആണ് മരിച്ചത്. കൊവിഡ് ബാധയെത്തുടര്‍ന്ന് മിഷിരിഫ് ഫീള്‍ഡ് ആശുപത്രിയില്‍ ചികില്‍സയിലായിരുന്ന ഇദ്ദേഹം ഇന്ന് രാവിലെയാണ് മരിച്ചത്.
കഴിഞ്ഞമാസം 21ന് നാട്ടിലേക്ക് പോവുന്നതിനായി ടിക്കറ്റെടുത്തിരുന്നു ഇദ്ദേഹം. ഇന്ത്യയിലേക്കുള്ള വിമാനയാത്ര നിര്‍ത്തിവച്ചതിനെ തുടര്‍ന്ന് അവസാന നിമിഷം യാത്ര മുടങ്ങുകയായിരുന്നു. റെസ്‌റ്റോറന്റ് ജീവനക്കാരനാണ്. ഭാര്യ: കുഞ്ഞാമിന. മക്കള്‍: ഫഹീമ, ഫഹീസ. മൃതദേഹം കൊവിഡ് പ്രോട്ടോകോള്‍ പ്രകാരം കുവൈത്തില്‍ ഖബറടക്കും.