മസ്‌കത്ത്: തമിഴ്‌നാട് മധുര പുദൂര് സ്വദേശി കൊവിഡ് ബാധിച്ച് ഒമാനിലെ മസ്‌കത്തില്‍ മരിച്ചു. സെന്തില്‍കുമാര്‍ സ്ട്രീറ്റില്‍ താമസിക്കുന്ന രാജ മുഹമ്മദിന്റെ മകന്‍ കാദര്‍ ഷഹ്‌റിയാസ് (34) ആണ് മസ്‌കറ്റ് റോയല്‍ ആശുപത്രിയില്‍ മരിച്ചത്. മുമ്പ് കസബ് ആശുപത്രിയില്‍ ജോലിചെയ്തിരുന്നു.
മാതാവ്: മസീല ബീഗം. ഭാര്യ: ജാസ്മിന്‍ ബീഗം. ഖബറടക്കത്തിനുള്ള നടപടിക്രമങ്ങള്‍ സോഷ്യല്‍ ഫോറം ഒമാന്‍ പ്രവര്‍ത്തകര്‍ നടത്തിവരുന്നു. സോഷ്യല്‍ ഫോറം ഒമാന്റെ സജീവപ്രവര്‍ത്തകനായിരുന്നു. കാദര്‍ ഷഹ്‌റിയാസിന്റെ നിര്യാണത്തില്‍ സോഷ്യല്‍ ഫോറം ഒമാന്‍ ഭാരവാഹികള്‍ അനുശോചനം അറിയിച്ചു.