കൊവിഡ്: കുവൈത്തില്‍ ഒരുമരണം കൂടി; ഇന്ന് 330 പേര്‍ക്ക് വൈറസ് ബാധ
717 പേര്‍ ഇന്ന് രോഗമുക്തരായി. ആകെ രോഗമുക്തി നേടിയവരുടെ എണ്ണം ഒന്നേകാല്‍ ലക്ഷം കവിഞ്ഞിരിക്കുകയാണ്- 1,34,750 ആയി.
കുവൈത്ത് സിറ്റി: കുവൈത്തില്‍ കൊവിഡ് ബാധയെത്തുടര്‍ന്ന് ഇന്ന് ഒരാള്‍ കൂടി മരിച്ചു. ഇതോടെ രാജ്യത്ത് വൈറസ് ബാധയെത്തുടര്‍ന്ന് മരിച്ചവരുടെ എണ്ണം 872 ആയി. 330 പേര്‍ക്കാണ് ഇന്ന് രോഗം സ്ഥിരീകരിച്ചത്. ഇതടക്കം ഇന്നുവരെ ആകെ വൈറസ് ബാധയേറ്റവരുടെ എണ്ണം ഒന്നേ കാല്‍ ലക്ഷം കവിഞ്ഞു (1,41,547). 717 പേര്‍ ഇന്ന് രോഗമുക്തരായി. ആകെ രോഗമുക്തി നേടിയവരുടെ എണ്ണം ഒന്നേകാല്‍ ലക്ഷം കവിഞ്ഞിരിക്കുകയാണ്- 1,34,750 ആയി.
മാസങ്ങള്‍ക്കുശേഷം ചികില്‍സയില്‍ കഴിയുന്ന രോഗികളുടെ എണ്ണം ഇന്ന് ആറായിരത്തില്‍ താഴെയായി (5925). തീവ്രപരിചരണ വിഭാഗത്തില്‍ കഴിയുന്ന രോഗികളുടെ എണ്ണവും ഗണ്യമായി കുറഞ്ഞു- 80. കഴിഞ്ഞ 24 മണിക്കൂറിനിടയില്‍ നടത്തിയ 7,458 പേരടക്കം 10,75,651 പേരിലാണു ഇതുവരെ സ്രവപരിശോധന നടത്തിയത്.