സൗദിയില്‍ കൊവിഡ് ബാധിച്ച് ഒരു മലയാളി കൂടി മരിച്ചു
രണ്ടാഴ്ച മുമ്പാണ് ഇദ്ദേഹം പനിയും ശ്വാസംമുട്ടലും അനുഭവപ്പെട്ടതിനെത്തുടര്‍ന്ന് ജുബൈലിലെ സ്വകാര്യ മെഡിക്കല്‍ സെന്ററില്‍ ചികില്‍സ തേടിയത്.
ജുബൈല്‍: സൗദിയില്‍ കൊവിഡ് ബാധിച്ച് ഒരു മലയാളി കൂടി മരിച്ചു. ആലപ്പുഴ ഓച്ചിറ കൃഷ്ണപുരം സ്വദേശി ദേവസ്വംപറമ്പില്‍ ബാബു തമ്പിയാ (48) ണ് മരിച്ചത്. ദമ്മാം ജുബൈല്‍ മുവാസാത്ത് ഹോസ്പിറ്റലില്‍വച്ച് ഇന്ന് രാവിലെയാണ് മരണം സംഭവിച്ചത്. ഇതോടെ കൊവിഡ് ബാധിച്ച് സൗദിയില്‍ മരണപ്പെടുന്ന മലയാളികളുടെ എണ്ണം 29 ആയി.
രണ്ടാഴ്ച മുമ്പാണ് ഇദ്ദേഹം പനിയും ശ്വാസംമുട്ടലും അനുഭവപ്പെട്ടതിനെത്തുടര്‍ന്ന് ജുബൈലിലെ സ്വകാര്യ മെഡിക്കല്‍ സെന്ററില്‍ ചികില്‍സ തേടിയത്. നാലുദിവസം മുമ്പ് ശ്വാസതടസ്സവും ചുമയും ശക്തമായതിനെത്തുടര്‍ന്ന് ജുബൈല്‍ മുവാസാത് ആശുപത്രിയിലെ തീവ്രപരിചരണ വിഭാഗത്തില്‍ പ്രവേശിപ്പിക്കുകയും കൊവിഡ് സ്ഥിരീകരിക്കുകയും ചെയ്തു. 10 വര്‍ഷമായി ജുബൈലില്‍ സ്‌കൂള്‍ വാന്‍ ഡ്രൈവറായി ജോലി ചെയ്തുവരികയായിരുന്നു. ഭാര്യ: സുനിത. മൂന്ന് മക്കളുണ്ട്.