കൊവിഡ്: സേവനപ്രവര്‍ത്തകരെ ഇന്ത്യന്‍ അസോസിയേഷന്‍ ആദരിച്ചു
കൊവിഡിനെത്തുടര്‍ന്ന് പ്രയാസമനുഭവിച്ചവര്‍ക്ക് ഭക്ഷണവിതരണം ഉള്‍പ്പെടെയുള്ള സേവനപ്രവര്‍ത്തനങ്ങള്‍ നടത്തിയവരെയാണ് ആദരിച്ചത്.
ഷാര്‍ജ: കൊവിഡ് കാല സേവനപ്രവര്‍ത്തനങ്ങള്‍ നടത്തിയവരെ ഷാര്‍ജ ഇന്ത്യന്‍ അസോസിയേഷന്‍ ആദരിച്ചു. കൊവിഡിനെത്തുടര്‍ന്ന് പ്രയാസമനുഭവിച്ചവര്‍ക്ക് ഭക്ഷണവിതരണം ഉള്‍പ്പെടെയുള്ള സേവനപ്രവര്‍ത്തനങ്ങള്‍ നടത്തിയവരെയാണ് ആദരിച്ചത്. ഇവര്‍ക്കുള്ള ഷാര്‍ജ പോലിസ് നല്‍കിയ സര്‍ട്ടിഫിക്കറ്റുകള്‍ കമ്മ്യൂണിറ്റി ഹാളില്‍ നടന്ന ചടങ്ങില്‍ പ്രസിഡന്റ് ഇ പി ജോണ്‍സണ്‍, വൈസ് പ്രസിഡന്റ് അഡ്വ.വൈ എ റഹിം, ജനറല്‍ സെക്രട്ടറി അബ്ദുല്ല മല്ലച്ചേരി, ആക്ടിങ് ട്രഷറര്‍ ഷാജി കെ ജോണ്‍ എന്നിവര്‍ വിതരണം ചെയ്തു.
കോ-ഓഡിനേഷന്‍ കമ്മിറ്റി ചെയര്‍മാന്‍ നിസാര്‍ തളങ്കര, ജനറല്‍ കണ്‍വീനര്‍ ഷിബു ജോണ്‍, വര്‍ക്കിങ് ചെയര്‍മാന്‍മാരായ മാത്യു ജോണ്‍, നാരായണന്‍നായര്‍, കണ്‍വീനര്‍ ബിജു എബ്രഹാം, കോ-ഓഡിനേറ്റര്‍ യൂസഫ് സഗീര്‍, സെക്രട്ടറി റജി മോഹന്‍ നായര്‍, മാനേജിങ് കമ്മിറ്റി അംഗങ്ങളായ ബാബു വര്‍ഗീസ്, അഹമ്മദ് ഷിബിലി, ശശി വാരിയത്ത്, ഷഹാല്‍ ഹസന്‍, അബ്ദുല്ല ചേലേരി, ടി വി നസീര്‍ തുടങ്ങിയവരും വിവിധ സംഘടനാനേതാക്കളും പ്രവര്‍ത്തകരും സര്‍ട്ടിഫിക്കറ്റുകള്‍ ഏറ്റുവാങ്ങി.