കൊറോണ: കുവൈത്തില്‍ ഇന്ന് ഒരു മരണം; 530 പേര്‍ക്ക് രോഗ ബാധ
ഇത് വരെ രോഗ ബാധയേറ്റ് മരിച്ചവരുടെ ആകെ എണ്ണം 947 ആണ്.
കുവൈത്ത് സിറ്റി: കുവൈത്തില്‍ കൊറോണ വൈറസ് ബാധയെ തുടര്‍ന്നു ഇന്ന് ഒരു മരണം. ഇത് വരെ രോഗ ബാധയേറ്റ് മരിച്ചവരുടെ ആകെ എണ്ണം 947 ആണ്. 530 പേര്‍ക്കാണ് ഇന്ന് രോഗം സ്ഥിരീകരിച്ചത്. ഇതടക്കം ഇന്ന് വരെ ആകെ കൊറോണ വൈറസ് ബാധയേറ്റവരുടെ എണ്ണം 156964 ആയി. 268 പേര്‍ ഇന്ന് രോഗ മുക്തരായി ഇതോടെ ആകെ രോഗ മുക്തി നേടിയവരുടെ എണ്ണം ഒന്നര ലക്ഷം കടന്നു. 150329 ആയി. മാസങ്ങള്‍ക്ക് ശേഷം ചികില്‍സയില്‍ കഴിയുന്ന രോഗികളുടെ എണ്ണം വീണ്ടും അയ്യായിരത്തിനു മുകളില്‍ എത്തി. തീവ്രപരിചരണ വിഭാഗത്തില്‍ കഴിയുന്ന രോഗികളുടെ എണ്ണവും ഗണ്യമായി കുറഞ്ഞ് 48ആയി. കഴിഞ്ഞ 24 മണിക്കൂറിനിടയില്‍ 10862പേരിലാണ് സ്രവ പരിശോധന നടത്തിയത്. ഇത് വരെ ആകെ സ്രവ പരിശോധന നടത്തപ്പെട്ടവരുടെ എണ്ണം 1380643 ആണ്