ജിദ്ദ: കൊവിഡ് ചികില്‍സയിലിരുന്ന മമ്പാട് പന്തലിങ്ങല്‍ സ്വദേശി ഹസനുല്‍ ബന്ന (38) ഹൃദയാഘാതത്തെ തുടര്‍ന്ന് സൗദിയിലെ അല്‍ബാഹയില്‍ മരിച്ചു. കൊവിഡ് ബാധിച്ച് ഒരു മാസമായി അല്‍ബാഹ കിങ് ഫഹദ് ആശുപത്രിയില്‍ ചികില്‍സയിലായിരുന്നു.
അസുഖം ഭേദമായി അവസാന പരിശോധന ഫലം കൊവിഡ് നെഗറ്റീവ് ആയിരുന്നു. ശേഷം ഇദ്ദേഹത്തെ ആശുപത്രിയില്‍ നിന്നും ഹോട്ടലിലേക്ക് മാറ്റാനുള്ള ഒരുക്കത്തിനിടെയാണ് ഹൃദയാഘാതം സംഭവിക്കുകയും മരണപ്പെടുകയും ചെയ്തത്. 13 വര്‍ഷമായി അല്‍ബാഹയില്‍ വാച്ച് കട നടത്തിവരികയായിരുന്നു. പിതാവ് പരേതനായ കോമുള്ളി റസാഖ്, മാതാവ് ആസിയ, ഭാര്യ ജസ്ന കുണ്ടുതോട്, മക്കള്‍ സഫ, സഫ് വാന്‍, സനാന്‍. നടപടിക്രമങ്ങള്‍ പൂര്‍ത്തിയാക്കി മൃതദേഹം അല്‍ബാഹയില്‍ ഖബറടക്കുന്നതിനുള്ള ശ്രമങ്ങള്‍ സന്നദ്ധപ്രവര്‍ത്തകരുടെ നേതൃത്വത്തില്‍ നടന്നുവരുന്നു.