മലപ്പുറം കാളികാവ് സ്വദേശി ജിദ്ദയില്‍ മരിച്ച നിലയില്‍
20 വര്‍ഷത്തോളമായി പ്രവാസിയായ ഇദ്ദേഹം ജിദ്ദ റുവൈസില്‍ സ്വദേശിയുടെ വീട്ടില്‍ ഹൗസ് ഡ്രൈവറായി ജോലിചെയ്യുകയായിരുന്നു.
ജിദ്ദ: മലപ്പുറം കാളികാവ് സ്വദേശിയെ ജിദ്ദയില്‍ താമസസ്ഥലത്ത് മരിച്ച നിലയില്‍ കണ്ടെത്തി. കാളികാവ് അമ്പലക്കടവ് സ്വദേശി പള്ളിയാലില്‍ വീട്ടില്‍ തോരപ്പ അബ്ദുറസ്സാഖ് (ബാപ്പു- 50) ആണ് മരിച്ചത്. കുറച്ചുദിവസങ്ങളായി പനി ബാധിച്ച് ആശുപത്രിയില്‍ ചികില്‍സ തേടിയിരുന്നു. അതിനിടയ്ക്കാണ് വ്യാഴാഴ്ച രാവിലെ താമസസ്ഥലത്ത് മരിച്ച നിലയില്‍ കണ്ടെത്തിയത്.
ഹൃദയാഘാതമാണ് മരണകാരണമെന്ന് അനുമാനിക്കുന്നു. 20 വര്‍ഷത്തോളമായി പ്രവാസിയായ ഇദ്ദേഹം ജിദ്ദ റുവൈസില്‍ സ്വദേശിയുടെ വീട്ടില്‍ ഹൗസ് ഡ്രൈവറായി ജോലിചെയ്യുകയായിരുന്നു. പിതാവ്: അലി പള്ളിയാലില്‍. മാതാവ്: ഫാത്വിമ. ഭാര്യ: ബദറുന്നിസ. മക്കള്‍: ബാസിം ഫര്‍സാദ്, ബിന്‍സിയ നസ്റിന്‍, ബാസിം സമാന്‍. നിയമനടപടിക്രമങ്ങള്‍ പൂര്‍ത്തിയാക്കാന്‍ കെഎംസിസി വെല്‍ഫെയര്‍ വിങ് നേതാക്കള്‍ രംഗത്തുണ്ട്.