പെരിന്തല്‍മണ്ണ പട്ടിക്കാട് സ്വദേശി ജിദ്ദയില്‍ മരിച്ചു
പട്ടിക്കാട് റെയില്‍വേ സ്റ്റേഷന് പിന്‍വശത്ത് താമസിക്കുന്ന ഹനീഫ കാരാട്ടി തൊടി (47) ആണ് ജിദ്ദ അല്‍ ഖുമ്ര ഡിസ്ട്രിക്ടിലെ താമസ സ്ഥലത്ത് മരണപ്പെട്ടത്.
ജിദ്ദ: പെരിന്തല്‍മണ്ണ പട്ടിക്കാട് സ്വദേശി ജിദ്ദയില്‍ മരണപ്പെട്ടു. പട്ടിക്കാട് റെയില്‍വേ സ്റ്റേഷന് പിന്‍വശത്ത് താമസിക്കുന്ന ഹനീഫ കാരാട്ടി തൊടി (47) ആണ് ജിദ്ദ അല്‍ ഖുമ്ര ഡിസ്ട്രിക്ടിലെ താമസ സ്ഥലത്ത് മരണപ്പെട്ടത്. ഇന്ന് രാവിലെ ചെറിയ നെഞ്ച് വേദനയെ തുടര്‍ന്ന് വിശ്രമിക്കാന്‍ പോയ ഹനീഫ തിരിച്ചുവരാത്തതിനെ തുടര്‍ന്ന് കൂട്ടുകാര്‍ പോയി നോക്കിയപ്പോഴേക്കും മരണം സംഭവിച്ചിരുന്നു.
ഇന്ത്യ ഫ്രറ്റേണിറ്റി ഫോറത്തിന്റെ സജീവ പ്രവര്‍ത്തകനാണ്. ജിദ്ദയിലെ മഅനവി കമ്പനി വെയര്‍ഹൗസില്‍ ജോലിചെയ്തുവരികയായിരുന്നു. 23 വര്‍ഷമായി പ്രവാസ ജീവിതം നയിക്കുന്ന ഇദ്ദേഹം രണ്ടുവര്‍ഷം മുമ്പാണ് അവസാനമായി നാട്ടില്‍ പോയി തിരിച്ചെത്തിയത്. പിതാവ്: പരേതനായ മുഹമ്മദ് എന്ന കുഞ്ഞാണി. മാതാവ്: ഖദീജ. ഭാര്യ: ഹസീന. മക്കള്‍: ഫര്‍സീന്‍, അര്‍ഷദ്. സഹോദരങ്ങള്‍: മുഹമ്മദ് അലി, മൊയ്ദുട്ടി മാനു, ഹുസൈന്‍, ആമിന, സുഹ്റ. നടപടിക്രമങ്ങള്‍ പൂര്‍ത്തിയാക്കി ജിദ്ദയില്‍ മറവുചെയ്യുമെന്ന് ബന്ധപ്പെട്ടവര്‍ അറിയിച്ചു.