ഫോട്ടോഗ്രാഫര്‍ അന്‍വര്‍ സാദത്ത് അന്‍സ് കുവൈത്തില്‍ കൊവിഡ് ബാധിച്ച് മരിച്ചു
കുവൈത്ത് സിറ്റി: കുവൈത്തിലെ പ്രമുഖ ഫോട്ടോഗ്രാഫര്‍ അന്‍വര്‍ സാദത്ത് അന്‍സ് കൊവിഡ് ബാധിച്ച് മരിച്ചു. കോഴിക്കോട് ബിലാത്തിക്കുളം സ്വദേശിയാണ്. കുവൈത്തിലെ പ്രവാസി സംഘടനാ പരിപാടികളിലെ ഫോട്ടോഗ്രാഫര്‍ എന്ന നിലയില്‍ സുപരിചിതനാണ്.
ഗള്‍ഫ് മാധ്യമത്തില്‍ ഉള്‍പ്പെടെ അദ്ദേഹത്തിന്റെ നിരവധി മികച്ച ചിത്രങ്ങള്‍ പ്രസിദ്ധീകരിച്ചിട്ടുണ്ട്. ഏതാനും ദിവസമായി അമീരി ആശുപത്രിയില്‍ കൊവിഡ് ചികില്‍സയിലായിരുന്നു. കൊവിഡ് പ്രോട്ടോക്കോള്‍ പാലിച്ച് കുവൈത്തില്‍ മൃതദേഹം സംസ്‌കരിക്കും.