കുവൈത്തില്‍ നാളെ മുതല്‍ ടാക്‌സികളില്‍ മൂന്ന് യാത്രക്കാര്‍ക്ക് സഞ്ചരിക്കാന്‍ അനുമതി
നിലവില്‍ ഒരേ സമയം ഒരു യാത്രക്കാരനു മാത്രമേ ടാക്‌സികളില്‍ കയറ്റാന്‍ അനുമതിയുള്ളൂ.
കുവൈത്ത് സിറ്റി: കുവൈത്തില്‍ ടാക്‌സികളില്‍ നാളെ മുതല്‍ ഒരേ സമയത്ത് മൂന്ന് യാത്രക്കാര്‍ക്ക് സഞ്ചരിക്കാന്‍ അനുമതി നല്‍കി ആഭ്യന്തരമന്ത്രാലയം വിജ്ഞാപനം പുറപ്പെടുവിപ്പിച്ചു. നിലവില്‍ ഒരേ സമയം ഒരു യാത്രക്കാരനു മാത്രമേ ടാക്‌സികളില്‍ കയറ്റാന്‍ അനുമതിയുള്ളൂ. ഇതിനെതിരേ ഉടമകളില്‍നിന്ന് പ്രതിഷേധമുയര്‍ന്ന സാഹചര്യത്തിലാണു മന്ത്രാലയം തീരുമാനം മാറ്റിയത്.
രാജ്യത്ത് കൊറോണ വൈറസ് പശ്ചാത്തലത്തില്‍ ഏര്‍പ്പെടുത്തിയ നിയന്ത്രണങ്ങളുടെ ഭാഗമായി ടാക്‌സി സര്‍വീസുകള്‍ നിര്‍ത്തിവച്ചിരുന്നു. അഞ്ചുമാസത്തിനുശേഷം കഴിഞ്ഞ ആഴ്ചയാണ് ടാക്‌സി സര്‍വീസുകള്‍ക്ക്, ഒരേ സമയത്ത് ഒരു യാത്രക്കാരനെ മാത്രമേ കയറ്റാന്‍ പടുള്ളൂ എന്ന നിബന്ധനയില്‍ വീണ്ടും അനുമതി നല്‍കിയത്.