കുവൈത്തിൽ കൊവിഡ് ബാധയെ തുടർന്ന് ഇന്ന് 2പേർ മരണപ്പെട്ടു

കുവൈത്ത്‌ സിറ്റി: കുവൈത്തിൽ കൊറോണ വൈറസ്‌ ബാധയെ തുടർന്ന് ഇന്ന് 2പേർ മരണമടഞ്ഞു. ഇതോടെ രാജ്യത്ത്‌ കൊറോണ വൈറസ്‌ ബാധയെ തുടർന്ന് മരണമടഞ്ഞവരുടെ എണ്ണം 880ആയി. 209 പേർക്കാണ് ഇന്ന് രോഗം സ്ഥിരീകരിച്ചത്. ഇതുവരെ ആകെ കൊറോണ വൈറസ്‌ ബാധയേറ്റവരുടെ എണ്ണം ഒന്നേ കാൽ ലക്ഷം കവിഞ്ഞു 142635ആയി.

658പേർ ഇന്ന് രോഗ മുക്തരായി ഇതോടെ ആകെ രോഗ മുക്തി നേടിയവരുടെ എണ്ണം ഒന്നേകാൽ ലക്ഷം കവിഞ്ഞു 137071 ആയി. മാസങ്ങൾക്ക് ശേഷം ചികിൽസയിൽ കഴിയുന്ന രോഗികളുടെ എണ്ണം അയ്യായിരത്തിൽ താഴെ യായി 4684ൽ എത്തി. തീവ്രപരിചരണ വിഭാഗത്തിൽ കഴിയുന്ന രോഗികളുടെ എണ്ണവും ഗണ്യമായി കുറഞ്ഞു 84 ആയി. കഴിഞ്ഞ 24 മണിക്കൂറിനിടയിൽ നടത്തിയ 4078പേരടക്കം 1095574 പേരിലാണു ഇത്‌ വരെ സ്രവ പരിശോധന നടത്തിയത്.