ലണ്ടന്‍: ഇംഗ്ലണ്ടിനെതിരായ ടെസ്റ്റ് മല്‍സരത്തില്‍ ഇന്ത്യയെ ബൗളര്‍ ജസ്പ്രീത് ബുംറ നയിക്കും. ക്യാപ്റ്റന്‍ രോഹിത്ത് ശര്‍മ്മയ്ക്ക് പകരമാണ് ബുംറയെ ബിസിസിഐ ക്യാപ്റ്റനായി പ്രഖ്യാപിച്ചത്. രോഹിത്തിന് കൊവിഡായതിനെ തുടര്‍ന്നാണ് പ്രഖ്യാപനം. 35 വര്‍ഷത്തിന് ശേഷമാണ് ഒരു ബൗളര്‍ ഇന്ത്യന്‍ ടീമിനെ നയിക്കുന്നത്. 1987ലാണ് കപില്‍ ദേവ് ഇന്ത്യയെ നയിച്ചത്. വൈസ് ക്യാപ്റ്റന്‍ കെ എല്‍ രാഹുലായിരുന്നു ഇന്ത്യയെ നയിക്കേണ്ടിയിരുന്നത്. എന്നാല്‍ രാഹുല്‍ പരിക്കിനെ തുടര്‍ന്ന് പുറത്താണ്. തുടര്‍ന്നാണ് ബുംറയ്ക്ക് അവസരം വന്നത്.