മെല്‍ബണ്‍ ക്രിക്കറ്റ് ഗ്രൗണ്ടിലെ സതേണ്‍ സ്റ്റാന്റ് ഷെയ്ന്‍ വോണിന്റെ പേരിലറിയപ്പെടും
വോണിന്റെ മരണവുമായി ബന്ധപ്പെട്ട് അന്വേഷണം നടക്കുന്നുണ്ട്.
മെല്‍ബണ്‍: പ്രശസ്തമായ മെല്‍ബണ്‍ ക്രിക്കറ്റ് ഗ്രൗണ്ടിലെ സതേണ്‍ സ്റ്റാന്റിന് അന്തരിച്ച ഇതിഹാസ ക്രിക്കറ്റ് താരം ഷെയ്ന്‍ വോണിന്റെ പേര് നല്‍കി. വോണ്‍ തന്റെ 700ാം വിക്കറ്റ് നേട്ടം കരസ്ഥമാക്കിയത് മെല്‍ബണ്‍ ഗ്രൗണ്ടിലാണ്. നിരവധി റെക്കോഡുകള്‍ പിറന്നതും ഈ ഗ്രൗണ്ടിലാണ്. കഴിഞ്ഞ ദിവസമാണ് ഓസിസ് ഇതിഹാസം ഹൃദയാഘാതത്തെ തുടര്‍ന്ന് തായ്‌ലന്റില്‍ മരണപ്പെട്ടത്. വോണിന്റെ സംസ്‌കാരം മെല്‍ബണില്‍ നടത്തുമെന്നു സര്‍ക്കാര്‍ അറിയിച്ചു. വോണിന്റെ മരണവുമായി ബന്ധപ്പെട്ട് അന്വേഷണം നടക്കുന്നുണ്ട്.സുഹൃത്തുക്കളുമായി തായ്‌ലന്റില്‍ അവധിയാഘോഷിക്കാന്‍ പോയതായിരുന്നു വോണ്‍. ഹോട്ടലില്‍ മരിച്ച നിലയില്‍ കണ്ടെത്തുകയായിരുന്നു.