ഇന്ത്യന്‍ വനിതാ ഏകദിന ടീമിനെ ഹര്‍മന്‍പ്രീത് കൗര്‍ നയിക്കും
ജമീമാ റൊഡ്രിഗസിനെ ട്വന്റി സ്‌ക്വാഡില്‍ ഉള്‍പ്പെടുത്തിയിട്ടുണ്ട്.
മുംബൈ: ഇന്ത്യന്‍ ക്യാപ്റ്റന്‍ മിഥാലി രാജ് സമ്പൂര്‍ണ്ണ ക്രിക്കറ്റില്‍ നിന്ന് വിരമിച്ചതിനെ തുടര്‍ന്ന് ഹര്‍മന്‍ പ്രീത് കൗറിനെ തല്‍സ്ഥാനത്ത് നിയമിച്ചതായി ബിസിസിഐ. നിലവില്‍ ട്വന്റി-20 ക്യാപ്റ്റനാണ് ഹര്‍മന്‍പ്രീത് കൗര്‍. ഓള്‍റൗണ്ടറായ ഹര്‍മന്‍ പ്രീത് കൗര്‍ ഉടന്‍ ആരംഭിക്കുന്ന ശ്രീലങ്കയ്‌ക്കെതിരായ പരമ്പരയിലാണ് ഇന്ത്യയെ നയിക്കുക. സ്റ്റാര്‍ ബാറ്റര്‍ സ്മൃതി മന്ദാന രണ്ട് ഫോര്‍മാറ്റിലും വൈസ് ക്യാപ്റ്റനാവും. ശ്രീലങ്കന്‍ പര്യടനത്തില്‍ നിന്ന് സ്‌നേഹാ റാണാ, ജൂലന്‍ ഗോസ്വാമി എന്നിവരെ പുറത്തിരുത്തിയാണ് ബിസിസിഐ സ്‌ക്വാഡ് പ്രഖ്യാപിച്ചത്. ജമീമാ റൊഡ്രിഗസിനെ ട്വന്റി സ്‌ക്വാഡില്‍ ഉള്‍പ്പെടുത്തിയിട്ടുണ്ട്.