മിഥാലിയുടെ റെക്കോഡ് മറികടന്ന് ഹര്‍മ്മന്‍പ്രീത് കൗര്‍

കൊളംബോ: വനിതാ ട്വന്റി-20യില്‍ ഇന്ത്യയ്ക്കായി ഏറ്റവും കൂടുതല്‍ റണ്‍സെന്ന റെക്കോഡ് ക്യാപ്റ്റന്‍ ഹര്‍മ്മന്‍പ്രീത് കൗറിന് സ്വന്തം. മുന്‍ ക്യാപ്റ്റന്‍ മിഥാലി രാജിന്റെ റെക്കോഡാണ് ഹര്‍മ്മന്‍ ഇന്ന് തകര്‍ത്തത്. 2372 റണ്‍സാണ് ഹര്‍മ്മന്റെ പേരിലുള്ളത്. 2364 റണ്‍സാണ് മിഥാലി നേടിയിരുന്നത്. ശ്രീലങ്കയ്‌ക്കെതിരായ രണ്ടാം ട്വന്റിയില്‍ 32 റണ്‍സ് നേടിയാണ് ഹര്‍മ്മന്‍ പുതിയ റെക്കോഡിട്ടത്. പരമ്പരയില്‍ 2-0ത്തിന് ഇന്ത്യ മുന്നിലാണ്. മിഥാലിക്ക് പിറകെ സ്മൃതി മന്ഥാനയും ജമീമാ റൊഡ്രിഗസ്സുമാണുള്ളത്.