ജഡേജയ്ക്കും സെഞ്ചുറി; ഇന്ത്യ 416ന് പുറത്ത്
കഴിഞ്ഞ ദിവസം ഋഷഭ് പന്തും സെഞ്ചുറി (146) നേടിയിരുന്നു.
ബിര്‍മിങ്ഹാം: എഡ്ജ്ബാസ്റ്റണ്‍ ടെസ്റ്റില്‍ ഇന്ത്യയുടെ ആദ്യ ഇന്നിങ്‌സ് 416ന് അവസാനിച്ചു. ഇന്ന് ബാറ്റിങ് തുടര്‍ന്ന ഇന്ത്യ ഇംഗ്ലണ്ടിനെതിരേ രവീന്ദ്ര ജഡേജയുടെ സെഞ്ചുറി മികവില്‍ 416ന് റണ്‍സെടുത്ത് പുറത്തായി.ക്യാപ്റ്റന്‍ ബുംറ 16 പന്തില്‍ 31 റണ്‍സും നേടി. മറുപടി ബാറ്റിങില്‍ ഇംഗ്ലണ്ട് ഒരു വിക്കറ്റ് നഷ്ടത്തില്‍ 16 റണ്‍സെടുത്തിട്ടുണ്ട്. ലീസിന്റെ വിക്കറ്റ് ക്യാപ്റ്റന്‍ ബുംറയ്ക്കാണ്. നിലവില്‍ മഴയെ തുടര്‍ന്ന് മല്‍സരം നിര്‍ത്തിവച്ചിരിക്കുകയാണ്. കഴിഞ്ഞ ദിവസം ഋഷഭ് പന്തും സെഞ്ചുറി (146) നേടിയിരുന്നു.