ഐപിഎല്‍ രണ്ടാം ക്വാളിഫയര്‍; ഡല്‍ഹിയെ എറിഞ്ഞിട്ട് കൊല്‍ക്കത്ത
വരുണ്‍ ചക്രവര്‍ത്തി കെകെആറിനായി രണ്ട് വിക്കറ്റ് നേടിയപ്പോള്‍ ശിവം മാവി, ഫെര്‍ഗൂസണ്‍ എന്നിവര്‍ ഓരോ വിക്കറ്റും നേടി.
ഷാര്‍ജ: ഐപിഎല്‍ രണ്ടാം ക്വാളിഫയറില്‍ ഡല്‍ഹിക്കെതിരേ കൊല്‍ക്കത്തയ്ക്ക് 136 റണ്‍സ് ലക്ഷ്യം. ടോസ് ലഭിച്ച കൊല്‍ക്കത്ത ഡല്‍ഹിയെ ബാറ്റിങിനയക്കുകയായിരുന്നു. കരുത്തുറ്റ ഡല്‍ഹി ബാറ്റിങ് നിരയക്ക് നിശ്ചിത ഓവറില്‍ അഞ്ച് വിക്കറ്റ് നഷ്ടത്തില്‍ 135 റണ്‍സ് നേടാനെ കഴിഞ്ഞുള്ളൂ. ശിഖര്‍ ധവാന്‍(39), ശ്രേയസ് അയ്യര്‍ (30) എന്നിവര്‍ മാത്രമാണ് ഡല്‍ഹി നിരയില്‍ പിടിച്ചു നിന്നത്. പൃഥ്വി ഷാ(18), സ്റ്റോണിസ് (18), ഹെറ്റ്‌മെയര്‍ (17), ഋഷഭ് പന്ത് (6) എന്നിവര്‍ക്കും ഇന്ന് തിളങ്ങാനായില്ല.
കൊല്‍ക്കത്തന്‍ നിരയുടെ തകര്‍പ്പന്‍ ബൗളിങ് പ്രകടനമാണ് ഡല്‍ഹിക്ക് തിരിച്ചടിയായത്. വരുണ്‍ ചക്രവര്‍ത്തി കെകെആറിനായി രണ്ട് വിക്കറ്റ് നേടിയപ്പോള്‍ ശിവം മാവി, ഫെര്‍ഗൂസണ്‍ എന്നിവര്‍ ഓരോ വിക്കറ്റും നേടി. ഇന്ന് ജയിക്കുന്ന ടീം ഫൈനലില്‍ പ്രവേശിക്കും.