നിതീഷ് റാണ കൊവിഡ് നെഗറ്റീവ്; കൊല്‍ക്കത്തയ്‌ക്കൊപ്പം പരിശീലനം തുടരും
മാര്‍ച്ച് 21ന് മുംബൈയില്‍ നടത്തിയ ടെസ്റ്റിലാണ് റാണ കൊവിഡ് പോസ്റ്റീവായത്.
ചെന്നൈ: കൊല്‍ക്കത്താ നൈറ്റ് റൈഡേഴ്‌സ് ബാറ്റ്‌സ്മാന്‍ നിതീഷ് റാണ കൊവിഡ് നെഗറ്റീവായെന്ന് ക്ലബ്ബ്. താരത്തിന് കൊവിഡ് പോസ്റ്റീവാണെന്ന വാര്‍ത്തയ്ക്ക് പ്രതികരണമെന്ന രീതിയിലാണ് നൈറ്റ് റൈഡേഴ്‌സിന്റെ പുതിയ റിപ്പോര്‍ട്ട്. റാണയ്ക്ക് കൊവിഡ് പോസ്റ്റീവാണെന്ന തരത്തിലാണ് ഇന്നത്തെ മാധ്യമങ്ങള്‍ റിപ്പോര്‍ട്ട് ചെയ്തത്. എന്നാല്‍ ഇന്ന് നടത്തിയ ടെസ്റ്റിന്റെ ഫലം നെഗറ്റീവാണെന്ന് നൈറ്റ് റൈഡേഴ്‌സ് അറിയിച്ചു. റാണ നാളെ മുതല്‍ പരിശീലനം തുടരും. മാര്‍ച്ച് 21ന് മുംബൈയില്‍ നടത്തിയ ടെസ്റ്റിലാണ് റാണ കൊവിഡ് പോസ്റ്റീവായത്. തുടര്‍ന്ന് താരം ഐസുലേഷനില്‍ കഴിഞ്ഞിരുന്നു. ഇക്കഴിഞ്ഞ സീസണില്‍ ഡല്‍ഹിക്കു വേണ്ടി ആഭ്യന്തര ക്രിക്കറ്റില്‍ തിളങ്ങിയ താരമാണ് റാണ.