ഐപിഎല്‍; രഹാനെയും നരേയ്‌നും മിന്നിച്ചു; ആദ്യ അങ്കത്തില്‍ കെകെആറിനെതിരേ റോയല്‍ ചാലഞ്ചേഴ്‌സിന് 175 റണ്‍സ് ലക്ഷ്യം
കൊല്‍ക്കത്ത: ഇന്ത്യന്‍ പ്രീമിയര്‍ ലീഗിലെ ഉദ്ഘാടന മല്‍സരത്തില്‍ കൊല്‍ക്കത്താ നൈറ്റ് റൈഡേഴ്‌സിനെതിരേ റോയല്‍ ചാലഞ്ചേഴ്‌സ് ബെംഗ്ലൂരുവിന് ലക്ഷ്യം 175 റണ്‍സ്. ടോസ് ലഭിച്ച ബെംഗ്ലൂരു നിലവിലെ ചാംപ്യന്‍മാരായ കൊല്‍ക്കത്താ നൈറ്റ് റൈഡേഴ്‌സിനെ ബാറ്റിങിനയക്കുകയായിരുന്നു. എട്ട് വിക്കറ്റ് നഷ്ടത്തില്‍ കൊല്‍ക്കത്ത 174 റണ്‍സെടുത്തു.ക്യാപ്റ്റന്‍ അജിങ്ക്യാ രഹാനെയാണ് കെകെആറിന്റെ ടോപ് സ്‌കോറര്‍. താരം 31 പന്തില്‍ 56 റണ്‍സെടുത്തു. നാല് സിക്‌സും ആറ് ഫോറും അടങ്ങുന്നതാണ് ക്യാപ്റ്റന്റെ ഇന്നിങ്‌സ്. സുനില്‍ നരേയ്ന്‍ 26 പന്തില്‍ 44 റണ്‍സെടുത്തു. രഘുവംഷി 22 പന്തില്‍ 30 റണ്‍സെടുത്തു. ഡി കോക്ക് (4), റിങ്കു സിങ്(12), റസല്‍ (4), രമണ്‍ദീപ് (6*), ഹര്‍ഷിത് റാണാ (5) എന്നിവരാണ് കൊല്‍ക്കത്തയ്ക്കായി ഇന്ന് ബാറ്റേന്തിയ മറ്റ് താരങ്ങള്‍.ആര്‍സിബിയ്ക്കായി ക്രൂണാല്‍ പാണ്ഡെ മൂന്നും ഹാസല്‍ വുഡ് രണ്ടും വിക്കറ്റ് നേടി.
