സയ്യിദ് മുഷ്താഖ് അലി ടി20 ക്രിക്കറ്റ് ടൂര്‍ണമെന്റ്: കേരള ടീം സാധ്യത പട്ടികയില്‍ ശ്രീശാന്തും
ശ്രീശാന്തിനെ ഉള്‍പ്പെടുത്തി 26 അംഗ സാധ്യത ടീമിനെയാണ് കേരള ക്രിക്കറ്റ് അസോസിയേഷന്‍ പ്രഖ്യാപിച്ചിരിക്കുന്നത്.റോബിന്‍ ഉത്തപ്പ, ജലജ് സക്‌സേന,സഞ്ജു സാംസണ്‍,സച്ചിന്‍ ബേബി,ബേസില്‍ തമ്പി അടക്കമുളളവരാണ്‌സാധ്യത പട്ടികയില്‍ ഇടം പിടിച്ചിരിക്കുന്ന മറ്റുള്ളവര്‍
കൊച്ചി: ബിസി സി ഐയുടെ വിലക്ക് നീങ്ങി വര്‍ഷങ്ങള്‍ക്കുശേഷം ക്രിക്കറ്റിലേക്ക് മടങ്ങിയെത്തുന്ന ശ്രീശാന്തിനെ ഉള്‍പ്പെടുത്തി സയ്യിദ് മുഷ്താഖ് അലി ടി20 ക്രിക്കറ്റ് ചാംപ്യന്‍ഷിപ്പില്‍ കേരള ടീമിന്റെ സാധ്യത പട്ടിക പ്രഖ്യപിച്ചു.ശ്രീശാന്തിനെ ഉള്‍പ്പെടുത്തി 26 അംഗ സാധ്യത ടീമിനെയാണ് കേരള ക്രിക്കറ്റ് അസോസിയേഷന്‍ പ്രഖ്യാപിച്ചിരിക്കുന്നത്.റോബിന്‍ ഉത്തപ്പ, ജലജ് സക്‌സേന,സഞ്ജു സാംസണ്‍,സച്ചിന്‍ ബേബി,ബേസില്‍ തമ്പി അടക്കമുളളവരാണ് ശ്രീശാന്തിനെക്കൂടാതെ സാധ്യത പട്ടികയില്‍ ഇടം പിടിച്ചിരിക്കുന്നത്.
മുന്‍ ഇന്ത്യന്‍ താരം ടിനു യോഹന്നാണ് മുഖ്യപരിശീലകന്‍.ജനുവരി രണ്ടിനാണ് സയ്യിദ് മുഷ്താഖ് അലി ക്രിക്കറ്റ് ചാംപ്യന്‍ഷിപ്പ് ആരംഭിക്കുന്നത്. മല്‍സര വേദി ബിസിസി ഐ ഉടന്‍ പ്രഖ്യാപിക്കും.ഈ മാസം 20 മുതല്‍ 30 വരെ ആലപ്പുഴ എസ്ഡി കോളജ് മൈതാനിയില്‍ കേരള ടീം പരിശീലന ക്യാംപും ടീമംഗങ്ങളെ തിരഞ്ഞെടുക്കുന്നതിനുള്ള പരിശീലന മല്‍സരങ്ങളും നടക്കും.കൊവിഡ് മാനദണ്ഡങ്ങളുടെ അടിസ്ഥാനത്തിലായിരിക്കും പരിശീലന ക്യാപ് നടക്കുകയെന്ന് കേരള ക്രിക്കറ്റ് അസോസിയേഷന്‍ അറിയിച്ചു.