ശ്രേയസ്സ് അയ്യര്‍ക്ക് ഐപിഎല്ലും നഷ്ടമായേക്കും
ഐപിഎല്ലില്‍ കൊല്‍ക്കത്താ നൈറ്റ് റൈഡേഴ്‌സിന് വേണ്ടിയാണ് താരം കളിക്കുന്നത്.
അഹ്‌മദാബാദ്: ഓസ്‌ട്രേലിയക്കെതിരായ ടെസ്റ്റ് മല്‍സരത്തിനിടെ പരിക്കേറ്റ ഇന്ത്യന്‍ താരം ശ്രേയസ് അയ്യര്‍ക്ക് ഐപിഎല്ലും നഷ്ടമാവാന്‍ സാധ്യത. പരിക്കിനെ തുടര്‍ന്ന് താരം ഓസ്‌ട്രേലിയക്കെതിരായ ഏകദിന സ്‌ക്വാഡില്‍ നിന്ന് താരത്തെ പുറത്താക്കിയിരുന്നു. പുറം വേദനയെ തുടര്‍ന്നാണ് താരം വിട്ട് നില്‍ക്കുന്നത്. നിലവില്‍ ചികില്‍സയിലുള്ള താരത്തിന് ഐപിഎല്ലിലെ തുടക്കത്തിലെ മല്‍സരങ്ങള്‍ നഷ്ടമാവുമെന്നാണ് റിപ്പോര്‍ട്ട്. എന്നാല്‍ താരം ശസ്ത്രക്രിയക്ക് വിധേയനാവുന്ന പക്ഷം നാല് മാസത്തോളം വിശ്രമത്തിലിരിക്കേണ്ടി വരും. പരിക്കിനെ തുടര്‍ന്ന് ന്യൂസിലന്റിനെതിരായ മല്‍സരവും അയ്യര്‍ക്ക് നഷ്ടമായിരുന്നു. ഐപിഎല്ലില്‍ കൊല്‍ക്കത്താ നൈറ്റ് റൈഡേഴ്‌സിന് വേണ്ടിയാണ് താരം കളിക്കുന്നത്.