രണ്ടാം ഏകദിനം; ടോസ് ലങ്കയ്ക്ക്; സഞ്ജു വീണ്ടും പുറത്ത്
ഇഷാന്‍ കിഷനെ ടീമില്‍ നിലനിര്‍ത്തിയതോടെയാണ് സഞ്ജുവിന്റെ അവസരം നഷ്ടമായത്.
കൊളംബോ: ശ്രീലങ്കയ്‌ക്കെതിരായ രണ്ടാം ഏകദിനത്തില്‍ ടോസ് ആതിഥേയര്‍ക്ക്.ടോസ് നേടിയ ലങ്കന്‍ ക്യാപ്റ്റന്‍ ബാറ്റിങ് തിരഞ്ഞെടുത്തു. ആദ്യ ഏകദിനത്തില്‍ കളിച്ച അതേ ടീമിനെയാണ് ഇന്ത്യ നിലനിര്‍ത്തിയത്. പരിക്കില്‍ നിന്ന് മോചിതനായ സഞ്ജു സാംസണ് ടീമില്‍ ഇടം നേടാനായില്ല. കഴിഞ്ഞ മല്‍സരത്തില്‍ വെടിക്കെട്ട് പ്രകടനം നടത്തിയ ഇഷാന്‍ കിഷനെ ടീമില്‍ നിലനിര്‍ത്തിയതോടെയാണ് സഞ്ജുവിന്റെ അവസരം നഷ്ടമായത്. ശ്രീലങ്കന്‍ നിരയില്‍ ഇസുരു ഉദാനയെ പുറത്ത് നിര്‍ത്തി കസുന്‍ രജിതയെ ഉള്‍പ്പെടുത്തി.