ചെറുപുഴയിലെ മെസ്സിയുടെ കട്ടൗട്ട് വൈറല്‍; അര്‍ജന്റീനയുടെ ഔദ്ദ്യോഗിക പേജിലും ഇടം നേടി
മുക്കം: ഖത്തര്‍ ലോകകപ്പിന് മുന്നോടിയായി ഇഷ്ട താരങ്ങളുടെ കട്ടൗട്ടുകളും ഫ്‌ളക്‌സുകളും ഇറക്കുന്ന ധൃതിയിലാണ് കേരളത്തിലെ ഫുട്‌ബോള്‍ ആരാധകര്‍. അര്‍ജന്റീനന്‍ ഇതിഹാസ താരം ലയണല്‍ മെസ്സിക്ക് ഏറെ ആരാധകരുള്ള ഇടമാണ് കേരളം. ഇന്നിതാ മുക്കത്തെ ചെറുപുഴയുടെ നടുവില്‍ മെസ്സിയുടെ 30 അടിയുള്ള കട്ടൗട്ട് സ്ഥാപിച്ച് ആരാധകര്‍ ഞെട്ടിച്ചിരിക്കുകയാണ്. കൂറ്റന്‍ കട്ടൗട്ട് മണിക്കൂറുകള്‍ക്കുള്ളില്‍ ലോക ശ്രദ്ധയാകര്‍ഷിച്ചിരിക്കുകയാണ്. അര്‍ജന്റീനാ ടീമിന്റെ ഔദ്ദ്യോഗിക ഫേസ്ബുക്ക് പേജിലും കട്ടൗട്ട് ഇടം നേടി. ആരാധകര്‍ കട്ടൗട്ടുമായി പുഴയിലേക്ക് പോവുന്നതും അത് പുഴയുടെ മധ്യത്തില്‍ സ്ഥാപിക്കുന്നതിന്റെ വീഡിയോയുമാണ് വൈറല്‍ ആയിരിക്കുന്നത്.
— munshid (@MunshidMadathil) October 31, 2022