കോപ്പാ: ഖത്തറിനെ തോല്‍പ്പിച്ച് അര്‍ജന്റീന ക്വാര്‍ട്ടറില്‍
പതിവില്‍ നിന്ന് വിപരീതമായി ഉണര്‍ന്ന് കളിച്ച അര്‍ജന്റീന മാര്‍ട്ടിന്‍സ് (4), സെര്‍ജിയോ അഗ്വേറോ(82) എന്നിവരുടെ ഗോളിലൂടെയാണ് വിജയം കൈപിടിയിലൊതുക്കിയത്.
സാവോ പോളോ: ഖത്തറിനെ 2-0ത്തിന് തോല്‍പ്പിച്ച് അര്‍ജന്റീന ക്വാര്‍ട്ടറില്‍ പ്രവേശിച്ചു. വാശിയേറിയ ഗ്രൂപ്പ് ബിയിലെ മല്‍സരത്തില്‍ ഖത്തര്‍ ഭേദപ്പെട്ട പ്രകടനം പുറത്തെടുത്തെങ്കിലും ഗോള്‍ മാത്രം അന്യം നില്‍ക്കുകയായിരുന്നു. പതിവില്‍ നിന്ന് വിപരീതമായി ഉണര്‍ന്ന് കളിച്ച അര്‍ജന്റീന മാര്‍ട്ടിന്‍സ് (4), സെര്‍ജിയോ അഗ്വേറോ(82) എന്നിവരുടെ ഗോളിലൂടെയാണ് വിജയം കൈപിടിയിലൊതുക്കിയത്. ഖത്തറിന്റെ പിഴവ് മുതലെടുത്ത് നാലാം മിനിറ്റിലായിരുന്നു മാര്‍ട്ടിന്‍സിന്റെ ആദ്യ ഗോള്‍. ഒറ്റയ്ക്കുള്ള മുന്നേറ്റത്തിനൊടുവിലാണ് അഗ്വേറയുടെ ഗോള്‍. മറ്റൊരു മല്‍സരത്തില്‍ പരാഗ്വെയെ കൊളംബിയ 1-0ത്തിന് തോല്‍പ്പിച്ച് ഗ്രൂപ്പ് ചാംപ്യന്‍മാരായി. ഒരു ജയവും സമനിലയുമായാണ് അര്‍ജന്റീന നോക്കൗട്ടില്‍ പ്രവേശിച്ചത്.