ലോകകപ്പ് യോഗ്യത;ബ്രസീലിന് ജയം; ചിലി പുറത്ത്

സാവോപോളോ: ലാറ്റിന്‍ അമേരിക്കന്‍ ലോകകപ്പ് യോഗ്യതാ മല്‍സരങ്ങളില്‍ ജയം തുടര്‍ന്ന് ബ്രസീല്‍. ഇന്ന് പുലര്‍ച്ചെ നടന്ന മല്‍സരത്തില്‍ ചിലിയെ എതിരില്ലാത്ത നാല് ഗോളിനാണ് ബ്രസീല്‍ പരാജയപ്പെടുത്തിയത്. ഇതോടെ ചിലിയുടെ ലോകകപ്പ് യോഗ്യത നേടാനുള്ള നേരിയ അവസരവും നഷ്ടപ്പെട്ടു. ചിലി ഗ്രൂപ്പില്‍ ഏഴാം സ്ഥാനത്താണുള്ളത്. നേരത്തെ യോഗ്യത നേടിയ ബ്രസീലിന് 16 മല്‍സരങ്ങളില്‍ നിന്ന് 42 പോയിന്റാണുള്ളത്. ബ്രസീലിനായി നെയ്മര്‍ (44), വിനീഷ്യസ് ജൂനിയര്‍ (45), ഫിലിപ്പെ കുട്ടീഞ്ഞോ(72), റിച്ചാര്‍ലിസണ്‍(90) എന്നിവരാണ് ഗോള്‍ നേടിയത്.ബ്രസീലിന്റെ അവസാന മല്‍സരം ബൊളീവിയക്കെതിരേ ഈ മാസം 30നാണ്.