പ്രീമിയര്‍ ലീഗ്: യുനൈറ്റഡിനും ആഴ്‌സണലിനും ജയം; ലാ ലിഗയില്‍ സെവിയ്യ മൂന്നില്‍

ഓള്‍ഡ് ട്രാഫോഡ്: ഇംഗ്ലീഷ് പ്രീമിയര്‍ ലീഗില്‍ മാഞ്ച്‌സറ്റര്‍ യുനൈറ്റഡിനും ആഴ്‌സണലിനും ജയം. വാറ്റ്‌ഫോഡിനെ 3-0ന് തോല്‍പ്പിച്ച് യുനൈറ്റഡ് അഞ്ചാം സ്ഥാനത്തെത്തി. ബ്രൂണോ ഫെര്‍ണാണ്ടസ്(42), മാര്‍ഷ്യല്‍ (58), ഗ്രീന്‍വുഡ്(75) എന്നിവരാണ് യുനൈറ്റഡിനായി വലകുലുക്കിയത്. എവര്‍ട്ടണെ 3-2ന് തോല്‍പ്പിച്ചാണ് ആഴ്‌സണലിന്റെ ജയം. നെകിതാ(27), ഒബാമെയെങ്(33, 46) എന്നിവരാണ് ആഴ്‌സണലിന്റെ സ്‌കോറര്‍മാര്‍. മറ്റൊരു മല്‍സരത്തില്‍ നോര്‍വിച്ചിനെ വോള്‍വ്‌സ് 3-0ന് തോല്‍പ്പിച്ചു.

    സ്പാനിഷ് ലീഗില്‍ ഗെറ്റാഫയെ 3-0ന് തോല്‍പ്പിച്ച് സെവിയ്യ മൂന്നാം സ്ഥാനത്തേക്ക് കുതിച്ചു. ഇന്ന് നടന്ന മറ്റൊരു മല്‍സരത്തില്‍ ഗ്രനാഡയെ 3-0നു ഒസാസുന തോല്‍പ്പിച്ചു. മറ്റ് മല്‍സരങ്ങളില്‍ അത്‌ലറ്റിക്കോ ബില്‍ബാവോയെ ആല്‍വ്‌സ് 2-1നും വാലാഡോളിഡ് 2-1ന് എസ്പാനിയോളിനെയും തോല്‍പ്പിച്ചു.