ബാഴ്‌സാ കോച്ചാവാന്‍ സാവി ഉടന്‍ എത്തും; സെര്‍ജി ബര്‍ജുവാന് താല്‍ക്കാലിക ചുമതല
എന്നാല്‍ അല്‍സാദ് ക്ലബ്ബിന് നിരവധി നേട്ടങ്ങള്‍ നല്‍കിയ സാവിയെ വിട്ടുകൊടുക്കാന്‍ ക്ലബ്ബിനും താല്‍പ്പര്യമില്ല
ക്യാംപ് നൗ: ബാഴ്‌സാലോണയെ പരിശീലിപ്പിക്കാന്‍ ടീമിന്റെ ഇതിഹാസ താരം സാവി ഹെര്‍ണാണ്ടസ് എത്തുന്നു. നിലവില്‍ ഖത്തര്‍ ക്ലബ്ബ് അല്‍സാദിന്റെ പരിശീലകനാണ് സാവി. 41കാരനായ സാവിയുമായി ബാഴ്‌സ നേരത്തെ ചര്‍ച്ച നടത്തിയിരുന്നു. എന്നാല്‍ അല്‍സാദ് ക്ലബ്ബിന് നിരവധി നേട്ടങ്ങള്‍ നല്‍കിയ സാവിയെ വിട്ടുകൊടുക്കാന്‍ ക്ലബ്ബിനും താല്‍പ്പര്യമില്ല. എന്നാല്‍ തന്റെ ജീവനായ ബാഴ്‌സയെ പരിശീലിപ്പിക്കാന്‍ സാവി ഉടന്‍ എത്തുമെന്ന് തന്നെയാണ് റിപ്പോര്‍ട്ട്. അതിനിടെ ബാഴ്‌സയുടെ ബി ടീം കോച്ച് സെര്‍ജി ബാര്‍ജുവാന് ടീമിന്റെ താല്‍ക്കാലിക കോച്ചിന്റെ ചുമതല നല്‍കി.