എറിക് ടെന്‍ ഹാഗിനൊപ്പം യുനൈറ്റഡ് പരിശീലനം തുടങ്ങി
റൊണാള്‍ഡോ ഇത്തവണ ക്ലബ്ബ് വിടുന്ന കാര്യത്തിലും തീരുമാനമായിട്ടില്ല.
മാഞ്ചസ്റ്റര്‍: പുതിയ കോച്ച് എറിക് ടെന്‍ ഹാഗിനൊപ്പം പരിശീലനം തുടങ്ങി മാഞ്ചസ്റ്റര്‍ യുനൈറ്റഡ് ടീം. പ്രീ സീസണിന് മുന്നോടിയായുള്ള പരിശീലന ക്യാംപാണ്. പ്രീസീസണ്‍ ജൂലായ് 12നാണ് തുടരുക. കഴിഞ്ഞ സീസണിലെ ഭൂരിഭാഗം താരങ്ങളെല്ലാം പരിശീലനത്തിന് എത്തിയിട്ടുണ്ട്. നേഷന്‍സ് ലീഗില്‍ കളിച്ച ക്രിസ്റ്റ്യാനോ റൊണാള്‍ഡോയടക്കമുള്ള താരങ്ങള്‍ ഒരാഴ്ച കഴിഞ്ഞെ ടീമിനൊപ്പം ചേരൂ. റൊണാള്‍ഡോ ഇത്തവണ ക്ലബ്ബ് വിടുന്ന കാര്യത്തിലും തീരുമാനമായിട്ടില്ല. താരത്തിനായി ചെല്‍സിയും റോമയും മുന്നില്‍ നില്‍ക്കുന്നുണ്ട്. ചാംപ്യന്‍സ് ലീഗ് യോഗ്യത ലഭിക്കാത്ത യുനൈറ്റഡിനൊപ്പം സീസണ്‍ തുടരാന്‍ ക്രിസ്റ്റ്യാനോയ്ക്ക് താല്‍പ്പര്യമില്ലെന്നാണ് റിപ്പോര്‍ട്ട്.