യൂറോ കപ്പില്‍ നിന്ന് വെയ്ല്‍സ് പുറത്ത്; ഡെന്‍മാര്‍ക്ക് ക്വാര്‍ട്ടറില്‍
വെയ്ല്‍സിനെ എതിരില്ലാത്ത നാല് ഗോളിന് തോല്‍പ്പിച്ചാണ് ഡെന്‍മാര്‍ക്ക് ക്വാര്‍ട്ടറിലേക്ക് പ്രവേശിച്ചത്.
ആംസ്റ്റര്‍ഡാം: യൂറോ കപ്പിലെ ആദ്യ പ്രീക്വാര്‍ട്ടറില്‍ ഡെന്‍മാര്‍ക്കിന് ജയം. വെയ്ല്‍സിനെ എതിരില്ലാത്ത നാല് ഗോളിന് തോല്‍പ്പിച്ചാണ് ഡെന്‍മാര്‍ക്ക് ക്വാര്‍ട്ടറിലേക്ക് പ്രവേശിച്ചത്. കാസ്പര്‍ ഡോള്‍ബെര്‍ഗിന്റെ ഡബിള്‍ ഗോളും(27, 48) ജോക്വിം മെലയ്‌ലെ (88), മാര്‍ട്ടിന്‍ ബ്രെയ്ത്ത് വൈറ്റ് (90) എന്നിവരുടെ ഓരോ ഗോളുമാണ് ഡെന്‍മാര്‍ക്കിന് ക്വാര്‍ട്ടറിലേക്ക് വഴിതെളിയിച്ചത്. കളിയില്‍ പൂര്‍ണ്ണ ആധിപത്യം നേടിയാണ് ഡെന്‍മാര്‍ക്ക് ജയിച്ചത്. മല്‍സരത്തില്‍ കൂടുതല്‍ സമയം അവര്‍ പന്ത് കൈവശം വയ്ക്കുകയും മികച്ച അവസരങ്ങള്‍ സൃഷ്ടിക്കുകയും ചെയ്തു.മല്‍സരത്തിലെ തുടക്കത്തിലെ 15മിനിറ്റും അവസാന അരമണിക്കൂറും മാത്രമാണ് ഗെരത് ബെയ്‌ലിന്റെ വെയ്ല്‍സിന് ആധിപത്യം നേടാനായത്. ഒരു ഗോളിനുള്ള അവരുടെ ശ്രമത്തിന് ഡാനിഷ് വന്‍ മതില്‍ കീഴടക്കാന്‍ കഴിഞ്ഞില്ല.