എഫ് എ കപ്പ്; ആഴ്‌സണല്‍ പുറത്ത്; ലിവര്‍പൂളിന് മിന്നും ജയം
ആഴ്‌സണലിന്റെ തോല്‍വിയില്‍ കോച്ച് അര്‍ട്ടേറ്റ ആരാധകരോട് മാപ്പ് അപേക്ഷിച്ചു.
ലണ്ടന്‍: ഇംഗ്ലിഷ് പ്രീമിയര്‍ ലീഗില്‍ മിന്നും ഫോമിലുള്ള ആഴ്‌സണലിന് ഞെട്ടിക്കുന്ന തോല്‍വി. എഫ് എ കപ്പ് മൂന്നാം റൗണ്ടില്‍ നോട്ടിങ്ഹാം ഫോറസ്റ്റിനോട് എതിരില്ലാത്ത ഒരു ഗോളിനാണ് അര്‍ട്ടേറ്റയുടെ ടീമിന്റെ തോല്‍വി. തോല്‍വിയോടെ പ്രീക്വാര്‍ട്ടര്‍ കാണാതെ ആഴ്‌സണല്‍ പുറത്തായി.
14 തവണ എഫ് എ കപ്പ് സ്വന്തമാക്കിയ ആഴ്‌സണലിന്റെ തോല്‍വിയില്‍ കോച്ച് അര്‍ട്ടേറ്റ ആരാധകരോട് മാപ്പ് അപേക്ഷിച്ചു.
ഷ്രേസ്ബറി ടൗണിനെതിരായ മല്‍സരത്തില്‍ ലിവര്‍പൂള്‍ 4-1ന്റെ ജയം നേടി. ഗോര്‍ഡോണ്‍, ഫാബിനോ (ഡബിള്‍), ഫിര്‍മിനോ എന്നിവര്‍ ചെമ്പടയ്ക്കായി സ്‌കോര്‍ ചെയ്തു.