അന്താരാഷ്ട്ര സൗഹൃദമല്‍സരം; ഫ്രാന്‍സിനും ഇംഗ്ലണ്ടിനും ജയം
ആഴ്‌സണലിന്റെ ടീനേജ് താരം ബുക്കായ സാക്കയാണ് ഇംഗ്ലണ്ടിനായി സ്‌കോര്‍ ചെയ്തത്.
പാരിസ്: അന്താരാഷ്ട്ര സൗഹൃദ ഫുട്‌ബോള്‍ മല്‍സരങ്ങളില്‍ ശക്തരായ ഫ്രാന്‍സ്, ഇംഗ്ലണ്ട് എന്നിവര്‍ക്ക് ജയം. ഇന്ന് നടന്ന മല്‍സരങ്ങളില്‍ ഫ്രാന്‍സ് വെയ്ല്‍സിനെ എതിരില്ലാത്ത മൂന്ന് ഗോളിന് തോല്‍പ്പിച്ചു. കിലിയന്‍ എംബാപ്പെ, ഗ്രീസ്മാന്‍, ഡെംബലെ എന്നിവര്‍ ഫ്രാന്‍സിനായി സ്‌കോര്‍ ചെയ്തു. ഓസ്ട്രിയയെ എതിരില്ലാത്ത ഒരു ഗോളിന് ഇംഗ്ലണ്ട് തോല്‍പ്പിച്ചു. ആഴ്‌സണലിന്റെ ടീനേജ് താരം ബുക്കായ സാക്കയാണ് ഇംഗ്ലണ്ടിനായി സ്‌കോര്‍ ചെയ്തത്.
ജര്‍മ്മനിക്കും ഹോളണ്ടിനും സമനില കൊണ്ട് തൃപ്തിപ്പെടേണ്ടി വന്നു. ഡെന്‍മാര്‍ക്കാണ് ജര്‍മ്മനിയെ സമനിലയില്‍ പിടിച്ചത്. വമ്പന്‍മാരായ ഓറഞ്ച് പടയെ സ്‌കോട്ട്‌ലാന്റാണ് സമനിലയില്‍ കുരുക്കിയത്. രണ്ട് തവണയും സ്‌കോട്ട്‌ലാന്റാണ് ലീഡ് നേടിയത്. ഹോളണ്ട് കഷ്ടിച്ച് രക്ഷപ്പെടുകയായിരുന്നു(2-2).മെംഫിസ് ഡെപേ ഹോളണ്ടിനായി ഇരട്ട ഗോള്‍ നേടി.