ലിസ്ബണ്‍: യൂറോ കപ്പ് 2020നുള്ള യോഗ്യതാ മല്‍സരത്തില്‍ പോര്‍ച്ചുഗലിനും ഫ്രാന്‍സിനും തകര്‍പ്പന്‍ ജയം. സെര്‍ബിയയെ 4-2നാണ് പോര്‍ച്ചുഗല്‍ തോല്‍പ്പിച്ചത്. വില്ല്യം കാര്‍വാലോ, ഗോണ്‍സാലോ ഗുഡീസ്, റൊണാള്‍ഡോ, ബെര്‍ണാഡോ സില്‍വ എന്നിവരാണ് പോര്‍ച്ചുഗലിനായി സ്‌കോര്‍ ചെയ്തത്.
അല്‍ബേനിയക്കെതിരേ 4-1ന്റെ ജയമാണ് ഫ്രാന്‍സ് കരസ്ഥമാക്കിയത്. കോമാന്‍(8,68), ജിറൗഡ്(27), ഐകോണ്‍(85) എന്നിവരാണ് ഫ്രാന്‍സിന്റെ ഗോള്‍ നേട്ടക്കാര്‍. കരുത്തരായ ഇംഗ്ലണ്ടും ബള്‍ഗേറിയക്കെതിരേ മിന്നും ജയം സ്വന്തമാക്കി. എതിരില്ലാത്ത നാല് ഗോളിനാണ് ഇംഗ്ലണ്ടിന്റെ ജയം. ഇംഗ്ലണ്ട് ക്യാപ്റ്റന്‍ ഹാരി കെയ്‌നിന്റെ ഹാട്രിക്ക് നേട്ടമാണ് ഇംഗ്ലണ്ടിന് തുണയായത്. സെറ്റര്‍ലിങ് ഒരു ഗോള്‍ നേടി. മറ്റ് മല്‍സരങ്ങളില്‍ ഉക്രെയ്ന്‍ ലിത്വാനിയക്കെതിരേ 3-0ത്തിന്റെ ജയം സ്വന്തമാക്കിയപ്പോള്‍ അന്‍ഡോറയെ തുര്‍ക്കി 1-0ത്തിന് തോല്‍പ്പിച്ചു.