ആഫ്രിക്കന്‍ നേഷന്‍സ് കപ്പ്; വീണ്ടും സിയച്ച് പുറത്ത്; ഹക്കിമീ ടീമില്‍
കഴിഞ്ഞ ജൂലായ് മുതല്‍ സിയച്ച് ടീമിനായി കളിച്ചിട്ടില്ല.
റാബത്ത്: ചെല്‍സിയുടെ സൂപ്പര്‍ താരമായ ഹക്കിം സിയച്ച് വീണ്ടും മൊറോക്കോ ദേശീയ ടീമില്‍ നിന്നും പുറത്ത്. ആഫ്രിക്കന്‍ നേഷന്‍സ് കപ്പിനുള്ള ടീമില്‍ നിന്നാണ് താരത്തെ കോച്ച് വാഹിദ് ഹാലില്‍ഹോസിച്ച് പുറത്താക്കിയത്. ചെല്‍സിയ്ക്കായി മികച്ച ഫോമില്‍ കളിക്കുന്ന സിയച്ചിനെ നേരത്തെ പലതവണ ടീമില്‍ നിന്ന് ഒഴിവാക്കിയിരുന്നു. ഏറ്റവും മികച്ച താരമായിരുന്നിട്ടും സിയച്ചിനെ ഒഴിവാക്കിയതിന്റെ കാരണം കോച്ച് വ്യക്തമാക്കിയിട്ടില്ല. മുമ്പ് ലോകകപ്പ് യോഗ്യതമല്‍സരങ്ങള്‍ക്കുള്ള സ്‌ക്വാഡില്‍ നിന്നും താരത്തെ ഒഴിവാക്കിയിരുന്നു. കഴിഞ്ഞ ജൂലായ് മുതല്‍ സിയച്ച് ടീമിനായി കളിച്ചിട്ടില്ല. അതിനിടെ കൊവിഡ് ഭീഷണിയില്‍ ടീമിന്റെ പ്രകടനം താളംതെറ്റിയിരിക്കുന്ന ചെല്‍സിക്ക് സിയാച്ചിന്റെ സേവനം തുടരുമെന്നത് ആശ്വാസ വാര്‍ത്തയാണ്. എന്നാല്‍ പിഎസ്ജി സ്റ്റാര്‍ അഷ്‌റഫ് ഹക്കീമിയെ മൊറോക്കോ ടീമില്‍ ഉള്‍പ്പെടുത്തിയിട്ടുണ്ട്.