വീണ്ടും ജയമില്ലാതെ ഈസ്റ്റ് ബംഗാള്‍; സെല്‍ഫ് ഗോള്‍ ചതിച്ചു;ബെംഗളൂരുവിനെതിരേ സമനില
55ാം മിനിറ്റില്‍ ഈസ്റ്റ് ബംഗാള്‍ താരം സൗരവ് ദാസ് വഴങ്ങിയ സെല്‍ഫ് ഗോള്‍ ബെംഗളൂരുവിന് തുണയാവുകയായിരുന്നു.
പനാജി: ഇന്ത്യന്‍ സൂപ്പര്‍ ലീഗില്‍ ബെംഗളൂരു എഫ് സിക്കെതിരേ ഈസ്റ്റ് ബംഗാളിന് സമനില. 28ാം മിനിറ്റില്‍ ഒരു ഗോളിന്റെ ലീഡെടുത്ത ശേഷമാണ് ഈസ്റ്റ് ബംഗാള്‍ സമനില വഴങ്ങിയത്. ഹെഡറിലൂടെ ഹാവോകിപ്പാണ് ബംഗാളിനായി സ്‌കോര്‍ ചെയ്തത്. 55ാം മിനിറ്റില്‍ ഈസ്റ്റ് ബംഗാള്‍ താരം സൗരവ് ദാസ് വഴങ്ങിയ സെല്‍ഫ് ഗോള്‍ ബെംഗളൂരുവിന് തുണയാവുകയായിരുന്നു. ഒമ്പത് മല്‍സരങ്ങളില്‍ നിന്നായി അവസാന സ്ഥാനത്ത് നില്‍ക്കുന്ന ഈസ്റ്റ് ബംഗാളിന് ജയമില്ലാതെ അഞ്ച് സമനില മാത്രമാണുള്ളത്. 10 മല്‍സരങ്ങളില്‍ നിന്ന് എട്ടാം സ്ഥാനത്ത് നില്‍ക്കുന്ന ബെംഗളൂരുവിന് രണ്ട് ജയവും നാല് സമനിലയുമാണുള്ളത്.