കുതിപ്പ് തുടര്‍ന്ന് ബെംഗളൂരു ടോപ് ഫോറിലേക്ക്; ക്ലൈറ്റന്‍ സില്‍വയ്ക്ക് ഡബിള്‍

പനാജി: ഐഎസ്എല്ലില്‍ വിജയകുതിപ്പ് തുടര്‍ന്ന് ബെംഗളൂരു എഫ്‌സി. ജെംഷഡ്പൂരിനെ നേരിട്ട ബെംഗളൂരു 3-1ന്റെ ജയം നേടി. ജയത്തോടെ അവര്‍ മൂന്നാം സ്ഥാനത്തേക്ക് കയറി. സുനില്‍ ഛേത്രി (54), ക്ലൈറ്റന്‍ സില്‍വ (62, 90+4 ) എന്നിവരാണ് ബെംഗളൂരുവിനായി ഗോള്‍ നേടിയത്. മല്‍സരത്തില്‍ ഒന്നാം മിനിറ്റില്‍ തന്നെ ജെംഷഡ്പൂര്‍ ഡാനിയല്‍ ചിമായിലൂടെ ലീഡെടുത്തിരുന്നു. തുടര്‍ന്ന് ഏറെ നേരത്തിന് ശേഷമാണ് ബെംഗളൂരുവിന് മല്‍സരത്തിലേക്ക് തിരിച്ച് വരാനായത്. രണ്ടാം പകുതിയിലാണ് അവര്‍ വന്‍ ഫോമിലേക്ക് കയറിയത്. ജെഷഡ്പൂര്‍ ലീഗില്‍ നാലാം സ്ഥാനത്താണ്.