ഐഎസ്എല്‍; ജെംഷഡ്പൂര്‍ ഒന്നില്‍; ഈസ്റ്റ് ബംഗാള്‍ തകര്‍ച്ച തുടരുന്നു
ഇഷാന്‍ പണ്ഡിതയുടെ 88ാം മിനിറ്റിലെ ഗോളാണ് ഇന്നും അവര്‍ക്ക് ജയമൊരുക്കിയത്.
പനാജി: ജെംഷഡ്പൂര്‍ എഫ് സി ഇന്ത്യന്‍ സൂപ്പര്‍ ലീഗില്‍ ഒന്നാം സ്ഥാനത്ത്.ഇന്ന് നടന്ന മല്‍സരത്തില്‍ അവസാന സ്ഥാനത്തുള്ള ഈസ്റ്റ് ബംഗാളിനെ എതിരില്ലാത്ത ഒരു ഗോളിനാണ് ജെംഷഡ്പൂര്‍ വീഴ്ത്തിയത്. ജെംഷഡ്പൂരിന്റെ കഴിഞ്ഞ മല്‍സരത്തിലെ സൂപ്പര്‍ താരം ഇഷാന്‍ പണ്ഡിതയുടെ 88ാം മിനിറ്റിലെ ഗോളാണ് ഇന്നും അവര്‍ക്ക് ജയമൊരുക്കിയത്.
കേരളാ ബ്ലാസ്‌റ്റേഴ്‌സിനേക്കാള്‍ ഒരു മല്‍സരം കൂടുതല്‍ കളിച്ച ജെംഷഡ്പൂരിന് 19 പോയിന്റാണുള്ളത്. ബ്ലാസ്‌റ്റേഴ്‌സ് രണ്ടാം സ്ഥാനത്തും മുംബൈ മൂന്നാം സ്ഥാനത്തുമാണുള്ളത്.