ഐഎസ്എല്‍; ഹൈദരാബാദ്-ഈസ്റ്റ് ബംഗാള്‍ മല്‍സരം സമനിലയില്‍
ഹൈദരാബാദ് ലീഗില്‍ രണ്ടാം സ്ഥാനത്തും ഈസ്റ്റ് ബംഗാള്‍ 11ാം സ്ഥാനത്തും തുടരുന്നു.
പനാജി: ഇന്ത്യന്‍ സൂപ്പര്‍ ലീഗില്‍ എട്ടാം മല്‍സരത്തിലും ജയമില്ലാതെ ഈസ്റ്റ് ബംഗാള്‍. കരുത്തരായ ഹൈദരാബാദിനോടാണ് ഈസ്റ്റ് ബംഗാള്‍ സമനില വഴങ്ങിയത്. മല്‍സരത്തിന്റെ 20ാം മിനിറ്റില്‍ അമിര്‍ ദെര്‍വിസെവിക്കിലൂടെ ഈസ്റ്റ് ബംഗാളാണ് മുന്നിലെത്തിയത്. എന്നാല്‍ 35ാം മിനിറ്റില്‍ ബാര്‍ത്തലോമെ ഒഗ്‌ബെഷെയിലൂടെ ഹൈദരാബാദ് തിരിച്ചടിച്ചു. എന്നാല്‍ പിന്നീട് ഇരുടീമിനും ലീഡെടുക്കാന്‍ കഴിഞ്ഞില്ല.ഹൈദരാബാദ് ലീഗില്‍ രണ്ടാം സ്ഥാനത്തും ഈസ്റ്റ് ബംഗാള്‍ 11ാം സ്ഥാനത്തും തുടരുന്നു.