സീരി എ; എസി മിലാന് ഞെട്ടിക്കുന്ന സമനില; മൊറീനോയ്ക്ക് വീണ്ടും ചുവപ്പ്
യുവന്റ്‌സ് ടൊറീനോയോട് 1-1ന്റെ സമനിലയും വഴങ്ങിയിരുന്നു.
മിലാന്: ഇറ്റാലിയന്‍ സീരി എയില്‍ എസി മിലാന് ഞെട്ടിക്കുന്ന സമനില. ലീഗിലെ അവസാന സ്ഥാനക്കാരായ സെലറിനിതാനയോട് 2-2ന്റെ സമനിലയാണ് മിലാന് ഇന്ന് വഴങ്ങിയത്. ജയിച്ച് ഒന്നാം സ്ഥാനത്തെ ലീഡ് വര്‍ദ്ധിപ്പിക്കേണ്ട മികച്ച അവസരമാണ് മിലാന് നഷ്ടപ്പെടുത്തിയത്. ജൂനിയര്‍ മെസിയാസ്, റെബിച്ച് എന്നിവരാണ് മിലാനായി ഗോള്‍ നേടിയവര്‍.മറ്റൊരു മല്‍സരത്തില്‍ ലീഗിലെ ഏഴാം സ്ഥാനക്കാരായ എ എസ് റോമ ഒമ്പതാം സ്ഥാനത്തുള്ള ഹെല്ലാസ് വെറോണയോട് 2-2ന്റെ സമനില വഴങ്ങി.രണ്ട് ഗോളിന് പിന്നിട്ട് നിന്ന ശേഷമാണ് റോമയുടെ തിരിച്ചുവരവ്. അതിനിടെ അവസാന നിമിഷങ്ങളില്‍ പരിധി വിട്ട പെരുമാറിയ കോച്ച് ജോസെ മൊറീനോയ്ക്ക് ചുവപ്പ് കാര്‍ഡ് ലഭിച്ചു. കഴിഞ്ഞ ദിവസം നടന്ന മല്‍സരത്തില്‍ അഞ്ചാം സ്ഥാനക്കാരായ യുവന്റ്‌സ് ടൊറീനോയോട് 1-1ന്റെ സമനിലയും വഴങ്ങിയിരുന്നു.