ഒടുവില്‍ സിറ്റിയും വീണു; ലിയോണ്‍ ചാംപ്യന്‍സ് ലീഗ് സെമിയില്‍
3-1നാണ് പെപ്പ് ഗ്വാര്‍ഡിയോളയുടെ കുട്ടികളെ ലിയോണ്‍ തോല്‍പ്പിച്ചത്.
ലിസ്ബണ്‍: ചാംപ്യന്‍സ് ലീഗിലെ ഏക ഇംഗ്ലിഷ് പ്രതീക്ഷയും അവസാനിച്ചു. മാഞ്ചസ്റ്റര്‍ സിറ്റിയുടെ ചാംപ്യന്‍സ് ലീഗ് കിരീടമെന്ന എന്ന സ്വപ്നത്തെ ഇല്ലാതാക്കിയത് ഫ്രഞ്ച് ക്ലബ്ബ് ലിയോണാണ്. 3-1നാണ് പെപ്പ് ഗ്വാര്‍ഡിയോളയുടെ കുട്ടികളെ ലിയോണ്‍ തോല്‍പ്പിച്ചത്. ലിസ്ബണില്‍ നടന്ന ക്വാര്‍ട്ടറില്‍ പ്രതിരോധത്തിന് പ്രധാന്യം നല്‍കിയായിരുന്നു സിറ്റി കളിച്ചത്. 24ാം മിനിറ്റില്‍ കോര്‍ണറ്റിലൂടെ ലിയോണ്‍ ലീഡ് എടുത്തു. ആദ്യ ഇലവനില്‍ ബെര്‍ണാഡോ സില്‍വ , മഹറസ് എന്നിവരെ സിറ്റി ഇറക്കിയിരുന്നില്ല. തുടര്‍ന്ന് രണ്ടാം പകുതിയില്‍ മഹറ്‌സ് ഇറങ്ങി. ഇതോടെ സിറ്റി കൂടുതല്‍ അവസരങ്ങള്‍ സൃഷ്ടിച്ചു. 69ാം മിനിറ്റില്‍ ഡി ബ്രൂണിയുടെ ഗോളിലൂടെ സിറ്റി സമനില പിടിച്ചു. എന്നാല്‍ 79ാം മിനിറ്റില്‍ മൂസ ഡംബലെയിലൂടെ ലിയോണ്‍ വീണ്ടും ലീഡ് വര്‍ദ്ധിപ്പിച്ചു. പിന്നീട് സിറ്റിക്ക് ലഭിച്ച അവസരം സെറ്റര്‍ലിങ് നഷ്ടപ്പെടുത്തി. 87ാം മിനിറ്റില്‍ വീണ്ടും ഡെംബലെ ലിയോണിനായി വലകുലിക്കിയതോടെ സിറ്റിയുടെ ചാംപ്യന്‍സ് ലീഗ് പ്രതീക്ഷ അസ്തമിച്ചു. ജര്‍മ്മന്‍ ക്ലബ്ബ് ബയേണ്‍ മ്യൂണിക്കിനെയാണ് ലിയോണ്‍ സെമിയില്‍ നേരിടുക.