പ്രീസീസണ്‍; ലിവര്‍പൂളിന് ഞെട്ടിക്കുന്ന തോല്‍വി; യുനൈറ്റഡിന് ജയം
ഞായറാഴ്ച നടക്കുന്ന എഫ് എ കമ്മ്യുണിറ്റി ഷീല്‍ഡ് ഫൈനലില്‍ ലിവര്‍പൂള്‍ മാഞ്ചസ്റ്റര്‍ സിറ്റിയെ നേരിടും.
ലോസ്ആഞ്ചലസ്: പ്രീസീസണ്‍ മല്‍സരത്തില്‍ ആര്‍ ബി സാല്‍സ്ബര്‍ഗ് കരുത്തരായ ലിവര്‍പൂളിനെ പരാജയപ്പെടുത്തി. എതിരില്ലാത്ത ഒരു ഗോളിനാണ് ലിവര്‍പൂളിന്റെ തോല്‍വി.പ്രീസീസണ്‍ മല്‍സരങ്ങളില്‍ ലിവര്‍പൂളിന്റെ മോശം ഫോം ഇന്ന് തുടരുകയായിരുന്നു. ഞായറാഴ്ച നടക്കുന്ന എഫ് എ കമ്മ്യുണിറ്റി ഷീല്‍ഡ് ഫൈനലില്‍ ലിവര്‍പൂള്‍ മാഞ്ചസ്റ്റര്‍ സിറ്റിയെ നേരിടും.
ഇന്ന് നടന്ന മറ്റൊരു മല്‍സരത്തില്‍ മാഞ്ചസ്റ്റര്‍ യുനൈറ്റഡ് റെക്‌സഹാമിനെ 4-1നും പരാജയപ്പെടുത്തി. യുനൈറ്റഡിന്റെ പുതിയ സൈനിങ് എറിക്‌സണ്‍ ടീമിനായി സ്‌കോര്‍ ചെയ്തു. ലിസാന്‍ഡ്രോ മാര്‍ട്ടിന്‍സും ഇന്ന് അരങ്ങേറ്റം നടത്തി. അര്‍ജന്റീനന്‍ താരം ഗര്‍നാഷോ, അമദ് ദിയാലോ, ടെല്ലസ് എന്നിവരും യുനൈറ്റഡിനായി സ്‌കോര്‍ ചെയ്തു.