യൂറോപ്പാ ലീഗ്; ആഴ്‌സണലിനും ലെസ്റ്ററിനും മിലാനും ജയം; സ്പര്‍സിന് തോല്‍വി
ചെക്ക് റിപ്പബ്ലിക്ക് ക്ലബ്ബായ സ്പാര്‍ട്ടാ പ്രാഗിനെതിരേ മൂന്ന് ഗോള്‍ ജയമാണ് ഇറ്റാലിയന്‍ പ്രമുഖരായ എ സി മിലാന്‍ നേടിയത്.
മിലാന്‍; യൂറോപ്പാ ലീഗില്‍ ഇംഗ്ലിഷ് ക്ലബ്ബുകളായ ആഴ്‌സണല്‍, ലെസ്റ്റര്‍ എന്നിവര്‍ ജയിച്ചു കയറിയപ്പോള്‍ ടോട്ടന്‍ഹാമിന് തോല്‍വി. അയര്‍ലന്റ് ക്ലബ്ബായ ഡുന്‍ഡാല്‍ക്കിനെതിരേ മൂന്ന് ഗോള്‍ ജയമാണ് ആഴ്‌സണല്‍ നേടിയത്. എഇകെ ഏദന്‍സിനെ 2-1നാണ് ലെസ്റ്റര്‍ സിറ്റി തോല്‍പ്പിച്ചത്. വാര്‍ഡിയും ഹംസാ ചൗധരിയുമാണ് ലെസ്റ്ററിനായി സ്‌കോര്‍ ചെയ്തത്. ബെല്‍ജിയം ക്ലബ്ബായ റോയല്‍ അന്റ്വെര്‍പ്പിനോട് എതിരില്ലാത്ത ഒരു ഗോളിനാണ് ടോട്ടന്‍ഹാം തോറ്റത്. ലില്ലേ(ഫ്രാന്‍സ്) -സെല്‍റ്റിക്(സ്‌കോട്ടിഷ്) മല്‍സരം 2-2 സമനിലയില്‍ കലാശിച്ചു. ചെക്ക് റിപ്പബ്ലിക്ക് ക്ലബ്ബായ സ്പാര്‍ട്ടാ പ്രാഗിനെതിരേ മൂന്ന് ഗോള്‍ ജയമാണ് ഇറ്റാലിയന്‍ പ്രമുഖരായ എ സി മിലാന്‍ നേടിയത്. അസര്‍ബെയ്ജാനി ക്ലബ്ബായ ക്വരാബാഗ് എഫ് കെയ്‌ക്കെതിരേ സ്പാനിഷ് ക്ലബ്ബായ വിയ്യാറല്‍ 3-1ന് ജയിച്ചു .