പ്രീമിയര്‍ ലീഗ്; തോല്‍വി അറിയാതെ ന്യൂകാസില്‍; എമിറേറ്റ്‌സില്‍ ഗണ്ണേഴ്‌സ്-റെഡ്‌സ് പോര്
എവര്‍ട്ടണ്‍ 19ാം സ്ഥാനത്തും സതാംപ്ടണ്‍ 20ാം സ്ഥാനത്തുമാണ്.
ലണ്ടന്‍: ഇംഗ്ലിഷ് പ്രീമിയര്‍ ലീഗിലെ തോല്‍വി അറിയാതെയുള്ള 15 മല്‍സരങ്ങളുടെ ന്യൂകാസില്‍ യുനൈറ്റഡ് കുതിപ്പ് തുടരുന്നു. ക്രിസ്റ്റല്‍ പാലസിനോട് ന്യൂകാസില്‍ ഗോള്‍ രഹിത സമനിലയാണ് വഴങ്ങിയത്. സമനിലയെങ്കിലും ന്യൂകാസില്‍ ലീഗിലെ മൂന്നാം സ്ഥാനത്ത് തുടരുന്നു.
ഇന്നലെ നടന്ന ചെല്‍സി-ലിവര്‍പൂള്‍ പോരാട്ടവും ഗോള്‍ രഹിത സമനിലയില്‍ കലാശിച്ചു. മറ്റൊരു മല്‍സരത്തില്‍ വെസ്റ്റ്ഹാം എവര്‍ട്ടണെ എതിരില്ലാത്ത രണ്ട് ഗോളിന് പരാജയപ്പെടുത്തി. ആസ്റ്റണ്‍ വില്ല സതാംപ്ടണിനെ എതിരില്ലാത്ത ഒരു ഗോളിനും പരാജയപ്പെടുത്തി. ലീഗില്‍ എവര്‍ട്ടണ്‍ 19ാം സ്ഥാനത്തും സതാംപ്ടണ്‍ 20ാം സ്ഥാനത്തുമാണ്.
ഇന്ന് അര്‍ദ്ധരാത്രി നടക്കുന്ന സൂപ്പര്‍ പോരാട്ടത്തില്‍ ലീഗിലെ ഒന്നാം സ്ഥാനക്കാരായ ആഴ്‌സണല്‍ നാലാം സ്ഥാനക്കാരായ മാഞ്ചസ്റ്റര്‍ യുനൈറ്റഡിനെ നേരിടും.