പാരിസ്: ബ്രസീലിയന്‍ സൂപ്പര്‍ താരം നെയ്മര്‍ നിമെസിനെതിരായ മല്‍സരത്തിനുള്ള പിഎസ്ജി സ്‌ക്വാഡില്‍ നിന്ന് പുറത്ത്. ലീഗ് വണ്ണിലെ ആദ്യമല്‍സരത്തില്‍ നിന്നാണ് സൂപ്പര്‍ താരത്തെ പുറത്താക്കിയത്. നേരത്തെ പ്രീ സീസണ്‍ മല്‍സരങ്ങളില്‍ നിന്നും പിഎസ്ജി നെയ്മറെ മാറ്റിനിര്‍ത്തിയിരുന്നു. സ്‌ക്വാഡില്‍ നിന്ന് പുറത്താക്കിയത് വഴി താരത്തിന്റെ ക്ലബ്ബ് മാറ്റം ഉടന്‍ ഉണ്ടായേക്കുമെന്നാണ് സൂചന.
നെയ്മറുടെ ട്രാന്‍സ്ഫറുമായുള്ള ചര്‍ച്ചകള്‍ തുടരുന്നുണ്ടെന്ന് പിഎസ്ജി ഡയറക്ടര്‍ ലിയാനാര്‍ഡോ പറഞ്ഞു. റയല്‍ മാഡ്രിഡും ബാഴ്‌സലോണയുമാണ് നെയ്മറിനായി രംഗത്തുള്ളത്. സ്പാനിഷ് ലീഗിലെ ട്രാന്‍സ്ഫര്‍ ഡെഡ് ലൈന്‍ ഈ മാസം അവസാനമാണ്. നെയ്മറിന്റെ ട്രാന്‍സ്ഫര്‍ കാര്യത്തില്‍ ഈ മാസം 20 ഓടെ തീരുമാനമാകുമെന്നാണ് സ്പാനിഷ് മാധ്യമങ്ങള്‍ റിപ്പോര്‍ട്ട് ചെയ്യുന്നത്. ടീമിലെ സ്ഥാനം പുറത്തായതിനാല്‍ നെയ്മര്‍ ഉടന്‍ പാരിസ് വിട്ടേക്കുമെന്ന് റിപ്പോര്‍ട്ടില്‍ പറയുന്നത്.