സ്പാനിഷ് ലീഗ്; കഷ്ടിച്ച് രക്ഷപ്പെട്ട് അത്‌ലറ്റിക്കോ; ബെറ്റിസിനെതിരേ സമനില

മാഡ്രിഡ്: സ്പാനിഷ് ലീഗില്‍ അത്‌ലറ്റിക്കോ മാഡ്രിഡിന് സമനില. റയല്‍ ബെറ്റിസാണ് അത്‌ലറ്റിക്കോയെ 1-1 സമനിലയില്‍ പിടിച്ചത്. അഞ്ചാം മിനിറ്റില്‍ കരാസക്കോയിലൂടെ അത്‌ലറ്റിക്കോ ലീഡെടുത്തു. തുടര്‍ന്ന് 20ാം മിനിറ്റില്‍ ബെറ്റിസിനായി ടെല്ലോ(20) സമനില ഗോള്‍ നേടി. ലീഗില്‍ അത്‌ലറ്റിക്കോ (67) ഒന്നാം സ്ഥാനത്തും റയല്‍ മാഡ്രിഡ് (66) രണ്ടാം സ്ഥാനത്തും ബാഴ്‌സലോണ (65) മൂന്നാം സ്ഥാനത്തുമാണ്. മറ്റ് മല്‍സരങ്ങളില്‍ വിയ്യാറല്ലിനെ ഒസാസുന 2-1ന് തോല്‍പ്പിച്ചു. വലന്‍സിയ-റയല്‍ സോസിഡാഡ് മല്‍സരം 2-2 സമനിലയില്‍ കലാശിച്ചു. ഗ്രനാഡ റയല്‍ വലാഡോളിഡിനെ 2-1ന് തോല്‍പ്പിച്ചു.