ബ്ലാസ്റ്റേഴ്‌സിന് നിരാശ; ഐഎസ്എല്‍ ഫൈനലില്‍ സഹല്‍ കളിക്കില്ല
ഇന്ത്യന്‍ ടീമിന്റെ സൗഹൃദ മല്‍സരങ്ങളും സഹലിന് നഷ്ടമാവും.
പനാജി: 20ന് ഇന്ത്യന്‍ സൂപ്പര്‍ ലീഗ് ഫൈനലില്‍ ഹൈദരാബാദിനെതിരേ ഇറങ്ങുന്ന കേരളാ ബ്ലാസ്റ്റേഴ്സ് ആരാധകര്‍ക്ക് നിരാശ. കേരളാ ബ്ലാസ്റ്റേഴസിന്റെ മലയാളി താരം സഹല്‍ അബ്ദുല്‍ സമദ് ഫൈനലില്‍ കളിക്കില്ല.താരം ഞായറാഴ്ചത്തെ സ്‌ക്വാഡില്‍ ഉണ്ടാവില്ലെന്ന് സഹ പരിശീലകന്‍ അറിയിച്ചു. താരത്തിന്റെ പിന്‍തുടഞെരമ്പിനേറ്റ പരിക്കാണ് തിരിച്ചടി ആയിരിക്കുന്നത്.സെമി രണ്ടാം പാദത്തിലും താരം കളിച്ചിരുന്നില്ല. ആദ്യപാദത്തില്‍ സഹലിന്റെ ഗോളിലാണ് ബ്ലാസ്റ്റേഴ്സ് ജയിച്ചത്. ഐഎസ്എല്ലിന് ശേഷം നടക്കുന്ന ഇന്ത്യന്‍ ടീമിന്റെ സൗഹൃദ മല്‍സരങ്ങളും സഹലിന് നഷ്ടമാവും.
