സന്തോഷ് ട്രോഫി ഐക്കണ്‍ താരം ജിജോ ജോസഫ് ഗോകുലം കേരളയ്ക്ക് സ്വന്തം

കോഴിക്കോട്: കേരളത്തിന് കഴിഞ്ഞ സീസണില്‍ സന്തോഷ് ട്രോഫി നേടിക്കൊടുക്കുന്നതില്‍ നിര്‍ണ്ണായക പ്രകടനം കാഴ്ച വച്ച ക്യാപ്റ്റന്‍ ജിജോ ജോസഫ് ഇനി ഐ ലീഗില്‍ കളിക്കും. ഐ ലീഗില്‍ ഗോകുലം കേരളയാണ് ജിജോയെ സ്വന്തമാക്കിയത്. എസ്ബിഐ താരമായിരുന്ന ജിജോയുടെ കരാറിന്റെ ഔദ്ദ്യോഗിക പ്രഖ്യാപനം അല്‍പ്പം മുമ്പാണ് വന്നത്. കേരളത്തിനായി ഏഴ് തവണ സന്തോഷ് ട്രോഫി കളിച്ചിട്ടുണ്ട്. കഴിഞ്ഞ സീസണില്‍ കെപിഎല്ലില്‍ കെഎസ്ഇബിയ്ക്കായും കളിച്ചിരുന്നു. സന്തോഷ് ട്രോഫിയില്‍ കഴിഞ്ഞ തവണ താരം ഹാട്രിക്ക് അടക്കം അഞ്ച് ഗോളുകള്‍ സ്‌കോര്‍ ചെയ്തിരുന്നു.